Popularne wersety biblijne z ယူဝ်းႁၢၼ်ႇ 3

Udostępnij

ၼင်ႇ​ႁိုဝ်​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​လုၵ်ႈ​ၽြႃး​ပဵၼ်​ၸဝ်ႈ​တင်း​သဵင်ႈ​တင်း​လူင်​ၼၼ်ႉ တၵ်း​ဢမ်ႇ​လႆႈ​ႁွတ်ႈ​ထိုင်​တၢင်း​လူႉ​တၢင်း​လႅဝ်​လႄႈ​တၵ်း​လႆႈ​ဢသၢၵ်ႈ​ထႃႇဝရႃႉ​ၸိုင်၊ ၽြႃး​ပဵၼ်​ၸဝ်ႈ​ႁၵ်ႉ​ၵူၼ်း​လေႃးၵီႇ​တင်း​လၢႆ တေႃႇ​ထိုင်​ႁွတ်ႈ​ထၼ်ႈ​ပေႃး​ၸုၼ်ႉ​ပႅတ်ႈ​လုၵ်ႈ​ၸဝ်ႈ ဢၼ်​မီး​ပႃး​လဵဝ်​ၵူၺ်း တီႈ​မၼ်း​ၸဝ်ႈ​ၼၼ်ႉ​ဢေႃႈ။

ၽြႃး​ပဵၼ်​ၸဝ်ႈ​ပွႆႇ​ၸႂ်ႉ​လုၵ်ႈ​ၸဝ်ႈ​မႃး​ၼႂ်း​လေႃးၵႃႉ​ၼႆႉ ႁႂ်ႈ​လႆႈ​ၸီႇ​ယၢင်ႇ​ဢပႅတ်ႈ​တီႈ​ၵူၼ်း​လေႃးၵီႇ​တင်း​လၢႆ​ဢမ်ႇ​ၸႂ်ႈ။ ပွႆႇ​ၸႂ်ႉ​မႃး​ႁႂ်ႈ​ၶဝ်​လႆႈ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ၵွပ်ႈ​ပိူဝ်ႈ​မၼ်း​ၸဝ်ႈ​ဢေႃႈ။

ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​ၸမ်ႉ၊ ၵေႃႉ​ဢၼ်​ဢမ်ႇ​ၶၢမ်ႇ​တၢင်း​ဢၼ်​ၶိုၼ်း​ၵိူတ်ႇ​လဵင်ႉ​ၼၼ်ႉ​ၸိုင်၊​ဢမ်ႇ​လႆႈ​ႁၼ်​မိူင်း​ၽြႃး​ပဵၼ်​ၸဝ်ႈ၊ ဝႃႈ​ၼင်ႇ​ၼႆ​ဢေႃႈ။

ၵေႃႉ​ဢၼ်​ယုမ်ႇ​မၢတ်ႈ​လုၵ်ႈ​ၸဝ်ႈ​ၼၼ်ႉ​ဢမ်ႇ​လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ဢပႅတ်ႈ၊ ၵေႃႉ​ဢၼ်​ဢမ်ႇ​ယုမ်ႇ​မၢတ်ႈ​ၼၼ်ႉ​ၸမ်ႉ၊ ပိူဝ်ႈ​ဢၼ်​ဢမ်ႇ​ယုမ်ႇ​မၢတ်ႈ​လုၵ်ႈ​ၸဝ်ႈ ဢၼ်​မီး​ပႃး​လဵဝ်​ၵူၺ်း​တီႈ​ၽြႃး​ပဵၼ်​ၸဝ်ႈ​လႄႈ ၸႃႉ​ၸဵမ်​ၶိင်ႇ​တေႃႈ​လဵဝ်​ၼႆႉ​လႄႈ လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ဢပႅတ်ႈ​ယူႇ​ဢေႃႈ။

လွင်ႈ​ဢၼ်​လႆႈ​ၶၢမ်ႇ​တၢင်း​ဢၼ်​ၸီႇ​ယၢင်ႇ​ဢပႅတ်ႈ​ၼၼ်ႉ​ၸမ်ႉ၊ ဢၼ်​လႅင်း​ၶဝ်ႈ​မႃး​ၵႃႈ​ၼႂ်း​လေႃးၵႃႉ​ၼႆႉ​ယူႇ​လႄႈ ၵူၼ်း​တင်း​လၢႆ​ၵွပ်ႈ​ပိူဝ်ႈ​ဢၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​ဢမ်ႇ​လီ​လႄႈ ယဵင်ႈ​ၶႅၼ်း​ၵျိူၵ်ႈ​ဢၼ်​လပ်း​သိင်ႇ​ၼႃႇ​သေ​ဢၼ်​လႅင်း​ဢေႃႈ။

ၸဝ်ႈ​ၼၼ်ႉ​တၵ်း​လႆႈ​မီး​တၢင်း​ဢၼ်​ယႂ်ႇ​ၵႂၢင်ႈ​မႃး​ဢေႃႈ။ ၵဝ်​ၸမ်ႉ၊​တၵ်း​လႆႈ​မီး​တၢင်း​ဢၼ်​သုတ်ႉ​ယွမ်း​ၵႂႃႇ​ဢေႃႈ။

ၶဝ်​ၸိူဝ်း​ဢၼ်​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​ႁၢႆႉ​မိူၵ်ႈ​တင်း​သဵင်ႈ​တင်း​လူင်​ၼၼ်ႉ ၶၢၼ်ႉ​ႁၼ်​ဢၼ်​လႅင်း​လႄႈ ၼင်ႇ​ႁိုဝ်​တၢင်း​ၵမ်​တၢင်း​ၵျၢင်ႉ​တူဝ်​ၸဝ်ႈ​ၵဝ်ႇ​ၸိူဝ်း​ၼၼ်ႉ တၵ်း​ဢမ်ႇ​လႆႈ​ပေႃႇ​လႆႈ​ဢွၵ်ႇ​ၸိုင် ဢမ်ႇ​သုတ်ႉ​ဢမ်ႇ​မႃး​ၵႃႈ​တီႈ​ဢၼ်​လႅင်း၊၊

ၵေႃႉ​ဢၼ်​ယုမ်ႇ​မၢတ်ႈ​လုၵ်ႈ​ၸဝ်ႈ​ၼၼ်ႉ​လႆႈ​ထႃႇဝရႃႉ​ဢသၢၵ်ႈ​ဢေႃႈ။ ၵေႃႉ​ဢၼ်​ဢမ်ႇ​ယုမ်ႇ​မၢတ်ႈ​လုၵ်ႈ​ၸဝ်ႈ​ၼၼ်ႉ​ၸမ်ႉ၊ ဢမ်ႇ​လႆႈ​ထူပ်း​ဢသၢၵ်ႈ။ ၵႃႈ​ၼိူဝ်​ၵေႃႉ​ၼၼ်ႉ တၢင်း​ၸႂ်​မႆႈ​ၶႆႈ​ၸႃႉ​ၽြႃး​ပဵၼ်​ၸဝ်ႈ​တႄႇ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၸိူဝ်ႉ​ၼင်ႇ​ဢၼ်​ မူဝ်းသေႇ ယုၵ်ႉ​ငူး​ဝႆႉ​ၵႃႈ​ၼႂ်း​ထိူၼ်ႇ​ၼၼ်ႉ၊ လုၵ်ႈ​ၵူၼ်း​တၵ်း​လႆႈ​ၶၢမ်ႇ​တၢင်း​ဢၼ်​ယုၵ်ႉ​ဝႆႉ​ဢေႃႈ။

ပေႃႈ​ၸဝ်ႈ​ႁၵ်ႉ​လုၵ်ႈ​ၸဝ်ႈ​လႄႈ ဢဝ်​ၵႃႈ​မီး​တင်း​သဵင်ႈ​တင်း​လူင်​ဢၢပ်ႈ​ပၼ်​ၼႂ်း​မိုဝ်း​မၼ်း​ၸဝ်ႈ​ယဝ်ႉ။