Popularne wersety biblijne z Matu 5

Udostępnij

Nɛra ka laŋɛ butolela dikɛ pi'ɔ vuge ka; gee a dikɛ ka sugela la butolela sugelego zi'an, ti ka niiɛ bo' nɛra woo yire la puan. Bala mɛa, bahɛ ya ti ya niifum la niira nɛreba nɛŋan, ti ba nyɛ ya tuunsuma la, la ba dikɛ pɛka bo' ya Sɔ en boi saazuo ha la.

“Yamam dela tiŋa wa zuo niifum. Tiŋa en mɛ yagelɛ zoore zuo, kan ta'am lile.

“Sum boi mɛ la sɛba suya en ka tari dɛgerɔ. Ba wan nyɛ Yinɛ.

“Sum boi mɛ la sɛba ti tuuntɔɔ vom kom, la ko'nyuuro tara ba, Ba wan tigehɛ ba.

Gee mam ya yeti, nɔŋɛ ya dinduma gee pu'uha bɔ'ɔra sɛba en daani ya.

“Sum boi mɛ la sɛba en mi' ti ba boti sia puan suŋɛ, bamam en sɔi saazuo sɔ'ɔlum la.

“Sum boi mɛ la sɛba en sugeni. Ba wan yi'ira ba Yinɛ kɔma.

“Sum boi mɛ la sɛba en kele, ba wan nyɛ subugehum.

“Sum boi mɛ la sɛba ti ba mɛleha ba tuuntɔɔ vom zuo. Ba dinɛ dela saazuo sɔ'ɔlum la.

“Sum boi mɛ la sɛba en zoti nɛreba nimbu'ɔ. Ba wan to'e nimbɔ'zɔrɛ.

“Sum boi mɛ la yamam, ti nɛreba en tuuri ya, gee namehera ya, yi'ira ya yu'yooro yima yima en dagi yelemɛŋerɛ, mam zuo. Sireni ya gee nyɛɛna, gee ya yɔɔrɛ karegɛ mɛ saazuo ha. Bala mɛa ti ba yuum mɛleha Yinɛ nɔtɔgeheba sɛba en diŋɛ yamam nɛŋa na la.

“Sum boi mɛ la sɛba en sigehe ba mɛhi, bamam n wan nyɛ tiŋa wa nyuurɔ.

“Yamam en de tiŋa wa zuo yaarum; gee yaarum han bɔregɛ bu za'afum, bu wan iŋɛ la ŋwani le ta'am lebe bu puan na? Yaarum bumɔ ka le ana suŋa bo' sɛla sɛla, han dagena ba ka'ɛ bu bahɛ ti ba niira la nama.

Deni ya sɛba en bi'ɛ kahegɛ woo ya Sɔ en boi saazuo ha bi'ɛ kahegɛ se'em la.

Bahɛ ti fum ‘ɛ̃ɛ dɛna ɛ̃ɛ,’ bii fum ‘Aayi dɛna aayi’; sɛla en dagi ŋwana ze'ele la be'em puan na.

“Ya wum ti ba yuum yele diimen diimen ha la ti, ‘Niho teere la niho, ti Nyɛnɛ tɛɛra nyɛnɛ.’ Gee mam yeti ya yeti, da lerege se'em en tuue fum. Gee se'em han lobe fum zuɔ sapɛka, ŋmɛregɛ gɔbega sapɛka la pa'ahɛ en.

Fum zuɔ niho han bahɛ ti fum tuna be'em, kpikɛ bɔ lobe bahɛ; la ani suŋa ti fum bɔregɛ fum iŋa la zi'an kayima bahɛ, nyana iŋa la za'a en ta dikɛ bahɛ bugum tiŋa la puan. Ti fum zuɔ nu'o han baha ti fum tuna be'em, ŋmaaɛ kɔ, lobe bahɛ; la ani suŋa ti fum bɔregɛ fum iŋa la zi'an kayima bahɛ nyana iŋa la za'a en ta dikɛ bahɛ bugum tiŋa la puan.