Popularne wersety biblijne z Fuɗɗoode 25

Udostępnij

Joomiraaɗo jaabii mo, wi'i: Lenyi ɗiɗi ngoni ley reedu maaɗa, laamuuji ɗiɗi ɗi kawtaa njaltan e maaɗa. Lenyol gootol laatoto ɓurngol semmbe. Mawniiwo oon gollanan minyum.

Isuwa haaldi e Yaakuuba, wi'i: — Miɗo ŋaare, kokkaa kam nyebbe maa boɗeeje ɗe seeɗa mi nyaama, sabo mi tampii. Saabe ɗuum o inndiraa Edom (ɗum na fiirta «Boɗeejo»).

Rebeka kaa wo dimaro. Saabe ɗuum Isiyaaka du'ii, ŋaarii Joomiraaɗo saabe jom suudu muuɗum. Joomiraaɗo nani du'aaw makko, de Rebeka hooƴi reedu.

Isuwa jaabii, wi'i: — Inan miɗo maaya! Ɗume mawniraagu nafata kam? Yaakuuba wi'i: Kunanoɗaa kam, tafon. De Isuwa hunanii mo, soottirii mo mawniraagu muuɗum.

Caggal ɗuum, ɗiɗaɓo oon yalti, junngo mum ina tiigii teppere Isuwa. Oon inndiraa Yaakuuba (ɗum na fiirta «tiigiiɗo teppere»). Duuɓi Isiyaaka wo 60 nde ɓe ndimetenoo ndeen.

Isiyaaka ina yiɗunoo Isuwa sabo imo yiɗi teewu ladde, de Rebeka kaa wo Yaakuuba yiɗi.