Popularne wersety biblijne z Shitatiko 3

Udostępnij

Oho mukazi amonene ngayi uya mutondo wengile wawuwahe kami na mikabo yawo ku lyayo yiku fwanina kwinga yayiwahe, wabalikile kwikala na nyumwa ya ku lyako, ngayi ekale wangana. Niho abuyile mikabo yawo pe walile. Niho apanineko mikabo yimo mukokwendi pe naye kami walile.

Hakati ka bibumbwabumbwa biya alengele Nyambi ya Ngula, liyoka wengile wa kushoshoka shikuma. Liyoka wepwile mukazi ngayi, “Kati mu kupwisha Nyambi unamikanishi kulya ku mikabo ya ku mitondo nimwayo yili muno mu mfuba ndi?”

Nikayaka nzimbo mukatikobe na mukazi, pe mbuto yendi na mbuto yobe bakalizimba, mbuto yendi yika cancola mutwe wobe, na nobe ukamuhumina ku ncinzino yendi.”

Niho Nyambi ya Ngula ambile kuli mukazi ngayi, “Nikavulisha makando wobe ha kwimita, kami ukayuvwanga kukola ha kubeleka. Mu wukalu ou nimwawo ukashinga mukokwobe, kami niye ukekala na ngovu hahobe.”

Mukutenda milimo ya kukwangisha shikuma na kutengela, niho ukalye byakulya, hantu noho wakaboka, ku limvu oku wafumine, watendiwile ku limvu, pe ukaboka ku limvu kami.”

Niho Nyambi ya Ngula ambile kuli Andama ngayi, “Ndaba unayuvwilili mukazobe, pe unali mukabo ou nakutongwezele ngayi hinga ulya, ndaba ya neshe unatende, limvu likukutiwa, ukatenda milimo ya kukwangisha shikuma, mu kuyoya kwobe nimwako ngayi, mwanga limvu likatutwishe byakulya bya kukulingana.

Nyambi ya Ngula wamuyipwile ngayi, “Yani nakutongweze ngayi uli muhelengwa? Kati unali ku mukabo uya nakutongwezele ngayi hinga ulyako ndi?”

Niho Nyambi ya Ngula abatandilile ku mushamuko wa mfuba ya Endeni, wayakileko Likelumbi na mpoko ya mukwale ya mulangi wa mundilo eye yekalile na kuzinguluka nimwako mwako, kulama nzila ya ku mutondo wa wumi.

Andama watumbile mukazendi ngayi, “Eva,” ndaba ukenga manda bantu nimwabo.