Popularne wersety biblijne z Johanni 12

Udostępnij

Koon kamell mange koi te well, kowa hunte djal mantsa. Kote, kai me hom, hi ninna kowa, kai mange koi hi. Kowa, kai mange koi hi, well sharedo miro dadestar.

Koon peskro djipen kamella, kowa nashrell les. Koon peskro djipen ap kai phub gar kamella, kowa lell o djipen, hoi gar pre-herella.

Tchatchepah, me penau tumenge: Te well o djob gar an i phub un merell tele, anell lo nai kek newo djob. Te merell lo tele, anell job bud newo djob.

Me hom koi bari momeli, hoi was ap kai phub. Hakeno, koon ap mande patsella, atchell gar an i rati.

Te shunell jek mire laba un krell gar, hoi me penom, hom gar me, kai rakrau i phagi pral koleste win. Me wom gar ap i phub, te dap i menshen i phagi. Me wom, te lap len dran o tchilatchepen un o merepen win.

Un i Maria las i tushni, kai bud latcho un kutch djet dren hi, un tchoras kowa pral o Jesuseskre pire. Peskre ballentsa khossas joi leskre pire. Un an o tselo kheer his o latcho sungepen o djetestar.

Koi lan le patria, kai phagan le tele, un djan dran o foro pash leste, un dan gole: “Sharas o Debles! Sharedo well kowa, koles o Dewel bitchras, o baro rai pral Israel!”

O Jesus penas ap lende: “Ko tsiro hi kanna kai, kai o Dewel sikrell o Menshengro Tchaweskro railepen.