Popularne wersety biblijne z Ijɔ̍ɔn 3

Udostępnij

Wu̍chē oji̍ nɛ, Ɔwɔ yɔ̍ɔhɔtū yī āchɛ yī yɛchɛ kpɛ̍ɛ nīi o̍ de Ɔyi̍ yī nū ūkpo̍he kpo̍kpo̍ nāa de, hɛ̄ɛbɛ nīi ɔ̄chaha̍-ɔ̄chaha̍ nīi ge̍ chɛ̄ku ɔ̍ ma̍ i̍ ge̍ē pīyēku̍ ni̍, nīi ɔlɔjā ge̍ē lɛ ɔhɔ̄leyī i̍mɔ̄mɛni̍.

Wu̍chē oji̍ nɛ, Ɔwɔ i̍ de Ɔyi̍ yī nū tɛ̄rɔ̄ wā la yɛchɛ hɛ̄ɛbɛ ge̍ē de pīya olihiyo yī nū ni̍; o̍ de ɔ̍ tɛ̄rɔ̄ wā ge̍ē hɛ̍ yɛchɛ ē ta̍.

Iji̍sɔ̄ɔsi hīya anu̍ ɔkɔ hīka, “Lēchi̍-lēchi̍, n koko̍o de wɔ! Ɔ̍chi̍kpa̍kpa̍, e̍ gbla̍a ɔ̄chɛ ma o̍bū, nɛ̄ni̍ o̍ i̍ ge̍ē ma̍ ɔpiyɛ yī Ɔchwɔ̄lɛ̍ oro̍ōre̍ yī Ɔwɔ ni̍!”

Ɔ̄chɛmɔ̄chɛ nīi ge̍ chɛ̄ku Ɔyi̍ yī Ɔwɔ, Ɔwɔ i̍ ge̍ē hɛ̍ ɔlɔjā lɛpɔ̄ ni̍. Ɔ̄chɛ nīi i̍ ge̍ chī chɛ̄ku Ɔyi̍ yī Ɔwɔ ni̍, Ɔwɔ hɛ̍ ɔlɔjā lɛpɔ̄ lɔ̄lā mɛ̍. Wu̍chē oji̍ nɛ, o̍ i̍ chɛ̄ku Ɔyi̍ yī Ɔwɔ nīi lɛ ūkpo̍he kpo̍kpo̍ ma̍ ni̍.

I̍ngɛ̍ɛ̄nɛ̄ nīi lɛpɔ̄ ɔhɔ̍ɔ̄hɛ̍ ɔla̍ā ya̍ u̍ku̍rɔ̍ ga a̍nɛ: Ɛbɛ ɔlɛgēdēgēdē wā lipu̍ yī yɛchɛ. Āchɛ chōo̍chē ywɔ̍ɔnyɛ yī ɛbɛ odobū hī ɛbɛ ɔlɛgēdēgēdē, wu̍chē lɔkɔ nīi lɛlā ɔdwɔ̄bi̍ lɛ wa̍ wɔnyɛ la ɔyɔ̍ɔ̄ya̍ ma̍.

Anu̍ ma̍ ge̍ē pīya ɔ̄chɛ ɔnɔ̄kɔ̄kū gāa iyɔ̄bū iyɔ̄bū; Iyī ami ma̍ n ge̍ē ti̍ihihi ē gāa okwi̍ihi-okwi̍ihi.”

Ɔ̄chɛ nīi ē yɛ̍ɛ̄lā abi̍ ma̍, ɛbɛ ɔlɛgēdēgēdē i̍ ē hi ɔ̍ ɔtū ni̍. O̍ i̍ ē chɛ̄ wā la ɛbɛ ɔlɛgēdēgēdē ɔla̍ā ni̍. Wu̍chē oji̍ nɛ, o̍ i̍ chikpo̍ nīi lɛlā abi̍ ɔyɔ̍ɔ̄ya̍ yī nū ge̍ hi̍yɛchɛ ni̍.

Ɔ̄chɛmɔ̄chɛ nīi ge̍ chɛ̄ku Ɔyi̍ yī Ɔwɔ, ɔlɔjā ge̍ē lɛ ɔhɔ̄leyī i̍mɔ̄mɛni̍. Ɔ̄chɛ nīi ge̍ chī tɔ̍ɔkɔ yī Ɔyi̍ yī Ɔwɔ, ɔlɔjā i̍ ge̍ē lɛ ɔhɔ̄leyī ge̍ē gbo̍ ni̍. Ɔlɔjā ge̍ē de ē jī lipu̍ yī ichi̍ ɔnɔ̄kɔ̄kū nīi Ɔwɔ ge̍ē de ē de ɔ̍ kpɛɛ ku yɛ̄grāa ɔha̍lɔha̍ ma̍.

Lɔkɔ nīi Imo̍sīisi nāa yɛgwā ɔha̍ nīi e̍ ya̍ la oje ɔnɔ̄a̍ ma̍ pla la ichō yī u̍kpɔ̍chi̍ ɔha̍ i̍chɔ̍lɔ lipu̍ yī a̍chi̍ ma̍, i̍ngi̍ngɔ̍ɔ nīi e̍ ge̍ē de Ɔyi̍ yī Ɔngrɔ̄ɔ ē pla ē gāa ichō a̍nɛ.

Ɔwɔ A̍dā yɔ̍ɔhɔtū yī Ɔyi̍ yī nū gba̍a̍! O̍ de ɔjāha̍-ɔjāha̍ wa̍a̍ kpo̍ tū ɔ̄ la abɔ̄.