Popularne wersety biblijne z MATEO 11

Udostępnij

Co'otene'ex ti' teen, tuláacale'ex máaxe'ex ca'anane'ex ti' a meyaje'ex yéetel aal a cuche'ex, teen bíin in beet a je'elele'ex.

Bise'ex in cuch ta wóokole'ex, yéetel canbalnene'ex ti' teen, tumen tene' chuca'an in wóol yéetel cabal u yóol in pucsi'ikal; beyo' bíin a caxte'ex je'elel u ti'al a pixane'ex.

Tumen in cuche' ma' aali' yéetel sáal u bisa'al.

In Taatae' dzo'oc u kubic ti' teen tuláacal ba'al. Mix máac u kaj óol tu jaajil le Paalo', chéen le Taatao'; mix máac xan u kaj óol tu jaajil le Taatao', chéen le Paalo', yéetel le máax dza'an ti' tumen le Paal ca u kaj óolto'.

Jesuse' tu núucaj ti'ob: Xene'ex ca a wa'ale'ex ti' Juan ba'ax ca wilique'ex yéetel ba'ax ca wu'uyique'ex. Tzicbalte'ex ti' bix u paacat le ch'óopo'obo', bix u xíimbal le móocho'obo', bix cu yutztalo'ob ti' jáaway le koja'ano'obo', bix u yu'ubajo'ob le cóoco'obo', bix u ca'a púut cuxtal le quimeno'obo', yéetel ti' le otzilo'obo' cu tze'ecta'al u ma'alob péectzilil tocsajil.

Le máax yaan u xiquine' u'uyajnac.