Popularne wersety biblijne z TAUNET 17

Udostępnij

Ak ye kingo bo Abram kenyisiek tamanwogik sogol ak sogol, komong’ji Jehovah Abram, ak kolenji, A Kamuktaindet ne bo Kamuktaet; wendote tainnyu, ak iegu ne igesunotgei.

Ma keguurenen Abram agoi, ago kagiguurenen Abraham: amu kaagonin iegu kwandab bororiosiek che chang’.

Ak agimiti kayomisennyu eng’ kwenunnyo, inye ak ane, ak iyoteng’ung’ ne biitu let eng’ inye, eng’ ibinwekwak tugul, si koek kayomiset ne wendi agoi koigeny, ale aek Kamuktaindet eng’ inye ak eng’ iyoteng’ung’ ne biitu let eng’ inye.

Keero, eng’ ane anyun, komi kayomisennyu koboten, ak tun iegu kwandab bororiosiek che chang’.

Ak kile Kamuktaindet, Achicha, sigun iman Sara kaing’ung’ werit; ak tun iguure kainennyi Isak: ak agimiti kayomisennyu koboto inendet ak iyotennyi ne tun biitu let eng’ inendet, si koek kayomiset ne wendi agoi koigeny.

Ak agonin emoni iwendote, inye koboto lagoguk che biitu let eng’ inye, agot emet komugul ne bo Kanan, kobunjok koigeny; ak aegu Kamuktaindenywa.

Ak kiing’uruk anyun Abraham, kotokyi togennyi ng’ony, korori ak kole eng’ muguleldanyi, Tos kisikyi lakwet chito ne kigotar kenyisiek bogol? Ak tos ta kosich lakwet Sara agine, ne kigotar kenyisiek tamanwogik sogol?

Ak kimwachi Kamuktaindet Abraham, kolenji, Sarai osotiondeng’ung’, ko mata iguure kainennyi Sarai, ago kagoek kainennyi Sara.

Ak kimuratani iririotab borwekwok, ak egu noto kaborunet ne bo kayomiset eng’ kwenunnyo, ane ak okwek.

Ago agimiti kayomisennyu eng’ Isak, inendet ne tun sigun Sara eng’ kenyit ne nyonei eng’ betusiechuto.

Kiyatitoi ng’etet age tugul eng’ okwek ne kagotar betusiek sisiit, ng’etet age tugul eng’ ibinwekwok tugul, ne kisikyin gorikwok, ak ne kigiale fedaisiek eng’ toek alak tugul, ne masalwok. Kanyol keyatita ne kisikyin gong’ung’, ak ne kiale fedaisieguk: ak kotebe kayomisennyu borwekwok koek kayomiset ne bo koigeny.