Popularne wersety biblijne z KEJADIAN 32

Udostępnij

Hataholi ndia, nataa nae, “O na'dem-ma, ta na'de Yakob so'on. Nana o maho'uk basa moo Manetualain ma moo hataholi daebafak-ka, de o sengi so; hu ndia de, o na'de Israel.”

Boema, hataholi ndia nae, “Po'i au; te ba'ihanak seluk faa bai te, le'do-a tii.” Yakob nataa nae, “Neukose au ta po'i Tuan fa, ta'da fe'e, metema Tuan ba'e-pala au.”

Tehu elan mesak-kana neme ndia. Boema touk esa mai, de naho'uk no Yakob, losa lolebalahaak.

Basa boema, Yakob nae, “Au atongo o Manetualain, matak no matak so, te au bei aso'da.” Hu ndia de, ana foi mamanak ndia na'de, Pniel.

Lelek hataholi ndia name'da, nae neukose ndia kala nai naho'uk ndia dalek boema, ana fepan neu Yakob kale'bon-na, de nalosa kosikheni dui kale'bon-na.

Hataholi ndia, natane nae, “O na'de see?” Boema Yakob nataa nae, “Au na'de Yakob.”

Boema Yakob nae, “Tuan mafa'da na'dem-ma dei.” Tehu hataholi ndia nataa nae, “Ta paluu o matane, au na'de see fa!” Boema, Ana ba'e-pala Yakob.

Au ta andaa sipo basa susue-lalaik, ma lilinekak lala'en fo Amak-ka natu'du basan neu au so. Lelek au la'o, de au lena Lee Yarden-na, au ta ini hata esa boen, te ka'da aitete'ek-ka mesak-kana. Besak ia, au falima'ing-nga o hataholi bubua ka duak ia-la.

Losa besak ia boe, Israel tititi-nonosin ta la'a paa kale'bok fa, nanahu Yakob hapu fefepak neu kale'bon-na.

Basa boema, Yakob hule-haladoi nae, “Ou MANETUALAIN, fo au ba'ing Abraham ma au amang Isak sene-do'ok-ka, mamanene au leona! Amak-ka nadenu basa au, fo au fali ma'ing-nga leo au nusang-nga mai, ma au tolanoo ka'a-fa'ding-ngala mai so. Ma Amak-ka helu, nae neukose Amak-ka ito-ato basa hata lala'en-na no malole, soaneu au.

Au dokodoe anseli, soi-mala au, eme au ka'ang Esau mai. Au bii, boso nalosak ana mai sapun-na ami, fo ana tao namopo-namate ami basa-basam-mala, inak-kala ma ni'iana-la boe.