Popularne wersety biblijne z KEJADIAN 21

Udostępnij

MANETUALAIN ba'e-pala Sara, sama leo Ana helu basak-ka so.

Manetualain namanene Ismael halan-na, de Manetualain ata nusa so'dan-na, ana kokolak no Hagar neme lalai mai nae, “Hagar, o susa beek? Boso bii. Te Manetualain namanene O anam-ma, halan-na so. Fali mu'um-ma, leo o anam-ma muu leona, fo ko'o-man, fo makahahauk-kana. Neukose, Au fe o tititi-nonosim, da'di leoina matuaina esa.”

Neu lelek fo, Manetualain naketu basa ka, fo nde nai lelek Abraham namalasi so, boema Sara nailu, de ana bongi ni'iana touanak esa.

Sara nafa'da nae, “Manetualain taon-na au hika nanahu namahokok-ka. Hataholi see, fo namanene dede'ak ia soona, neukose ana hika, ma namahoko sama-sama no au.”

Tehu, Manetualain nafa'da Abraham nae, “O dalem-ma, boso naba'e la'eneu o atam Hagar no anan ndia. Tunga Sara dale hihiin-na, nanahu, neukose o hapu tititi-nonosik fo Au heluk ndia, tunga Isak dei.

Leondiak boe, neu Hagar anan-na, neukose Au fen upu-anak makadotok, fo ela ala da'di leoina esa. Nana o anam ndia boe.”