Popularne wersety biblijne z Johane 15

Udostępnij

“Eni nyi litshina, gasi enu mu matamo; uye a gu ni eni, eni naye, khuye a ningago mihandro nya yingi; kholu nyambana eni gimwalo mu na girago.

Khalani neni, eni neni nyi na khala nanu. Kha nga olu litamo li si kodzigo gu ninga mihandro longa, la gumba khugela vbatshinatunu nya miuvha, kharato nugo gu na girega gwanu, mwa gumba khala ni eni.

Mwa gu khala ni eni, ni gu landrisani magana yangu, satshavbo iso mu na lombago mu na ningwa.

Khandrenu mu nga nyi hathago, kheni nyi mi hathidego nyi mi rumela, gasi muya ninga mihandro nya yingi ni gu mihandro yanu yi simame. Khu kharato, ni gevbini mu na lombago ga Babe wangu khu lina langu, uye a na mi ningani

Mwalo a gu ni lihaladzo nya likhongolo guvbindra wule a ningelago womi khu gufela dzipari dzaye.

Ni levbini litamo li nyi lumbago, la gumba ninga mihandro, uye a na li pila; gasi lile li ningago mihandro, a ngu li thena, li fela gu ninga mihandro nya yingi.

Nayo wangu khoyu: Haladzanani kha nga idzo nyi mi haladzidego khidzo.

Babe wangu a na dhumiswa mwa gu ninga mihandro nya yingi; khu kharato, mu na khala vapizane vangu.

Jesu a di khuye: “Eni nyi litshina nya lisine nya miuvha, Babe wangu khu mulimi wakone.

Uye a si khaligo neni, a na vegwa phuvbo, a banga kha nga litamo; matamo nya nga ayoyo ma gu wungedzedwa ma gu vbiswa.

“Nya gu mi embela esi, gasi litsako langu li khale gwanu, ni gunengela gwanu gu tadzisege.

Mwa gu vegedza milayo yangu, mu na simama lihaladzoni gwangu, kha nga eni nyi simamago lihaladzoni ga Babe wangu, kholu nyi nga vegedza milayo yaye.

Khiso esi nyi mi rumago: Vbanyani khu lihaladzo.

Nari pwani mwa gu lumba litigo, ilo na li mi gola, kha nga li golago vathu vaye; aholu, la gu mi nyenya, kholu kha mu lumbi litigo, ni gu eni nyi mi hathideni vbakari gwaye.