Popularne wersety biblijne z Matthew 25

Udostępnij

<<Ma tara nau kuka oolisida kuka urii, <Doo mamana nau ku haea fuagamu, si kada molu iilia tesi doo urinae fuana ta wane toꞌou ana haasigu naa gi, molu iilia naa fuagu.>

<<Ma na aarai baita nia e oolisia ka urii, <Oe wane ni rao diana nau. Nau ku haitamana kuka manata ngado ani oe! I oe o rao diana ana si doo toꞌou gi, nia naa i nau kuka aalu oe oko baita usia na doo oro gi. O lea mai, ma oko eele amu fai nau.>

Sulia na tooa gi sui na da too ana tesi doo gi, tara nau kuka falea lau teni si doo lau fuada, eeri daka too ana doo oro gi. Ma so ni tei na e langi kasi too ana tesi doo, boroi ana nia ka too ana tesi doo toꞌou, tara nau kuka lafua faasi nia.

Ma a Jesus ka faasuia na oomelawanea naa ka urii, <<Nia naa, molu ka aadaada diana, sulia molu lalafusia fe dani langi si kada tara kuka dao lau mai ana.>>

Sulia si kada ku fiolo ana, muka falea si fanga fuagu. Ma si kada ku maeligwou ana, muka falea si kafo fuagu. Ma boroi ana nau na wane dao faasia ta fera eꞌete, muka soe nau fui lao luma gamu gi.

<<Ma na aarai baita nia e oolisia ka urii, <Oe wane ni rao diana nau, nau ku haitamana manata ngado ani oe! I oe o rao diana ana si doo toꞌou gi. Nia naa tara nau kuka aalu oe oko baita usia na doo oro gi. O lea mai, ma oko eele amu fai nau.>

Ma si kada e langi agu tesi maku, muka fale maku fuagu. Ma si kada ku matai, muka aadasuli nau. Ma si kada ku too i laona na beu ni kanilaa, muka maatoogu.>