Popularne wersety biblijne z Kejadian 22

Udostępnij

Jadi Abraham kas nama tempat itu pake nama yang de pu arti ʻTUHAN yang kas siap apa yang tong perlu.ʼ Dari situ yang orang biasa bilang begini, “Di atas TUHAN pu gunung, TUHAN su kas siap smua yang tong perlu.”

Allah bilang, “Bawa ko pu anak yang satu saja tu, anak yang paling ko sayang, yang de nama Isak, kam dua pigi ke daera Moria. Trus, ko kasi de jadi persembahan untuk Sa. Ko potong baru bakar kas korban de ke Sa, di atas gunung satu yang nanti Sa kastau ko.”

Trus TUHAN bilang begini lewat De pu Malaikat, “Jang ko bunu anak itu. Jang bikin apapa ke dia, karna skarang Sa su tau kalo ko memang hormat skali sama Sa sampe ko dengar yang Sa suru ko. Ko tra main-main untuk kasi ko pu anak yang cuma satu saja tu untuk Saya.”

Abraham bilang dia, “Anak, Allah sendiri yang nanti kasi anak domba yang nanti tong bakar kas korban untuk Allah Dia.” Trus dong dua lanjut jalan lagi sama-sama.

Sa sumpa, Sa nanti kas berkat ko banyak skali. Sa nanti bikin ko pu anana cucu pu banyak macam bintang di langit deng pasir di pinggir pante, baru ko pu anana cucu nanti dong yang pegang dong pu lawan-lawan pu kota. Dari ko pu anana cucu, bangsa di bumi ni smua nanti dapa berkat juga. Nanti smua ni Sa bikin, karna ko su dengar-dengar Saya.’ ”

Su brapa waktu lewat begini, Allah tes Abraham pu percaya. Allah bilang begini ke dia, “Abraham!” Abraham jawab, “Ya Tuhan!”

TUHAN pu Malaikat bicara dari surga deng suara besar ke dia, “Abraham! Abraham!” Abraham jawab, “Ya Tuhan!”

Trus TUHAN pu Malaikat bicara dari surga deng suara besar lagi ke Abraham, De bilang begini, “TUHAN bilang, ‘Karna ko su bikin begitu, trus ko tra main-main kasi ko pu anak yang cuma satu tu saja untuk Sa, jadi Sa sumpa deng Sa pu nama sendiri!

Waktu dong dua sampe di tempat yang Allah bilang ke Abraham tu, Abraham de susun batu untuk bikin tempat bakar korban disitu. De susun kayu di atas tempat itu, trus de ikat de pu anak Isak. Baru, de taru de pu anak Isak di atas kayu yang di tempat bakar korban itu.