Popularne wersety biblijne z KUPUTUKA 3

Udostępnij

Uze pwevo hakumona ngwenyi, mutondo unawahe kulya, ngwenyi, kuutala nameso wamwaza, ngwenyi, ukiko mutondo mwevwila mutu cipepa mwomwo wakuhana mangana, aheleleko kumihako yawo, alile, ahanyine nawa kuli lunga lyenyi apwile nenyi, kaha lunga alile.

Jino linoka alungulukile kuha­mbakana tunyama vamuvipapa vosena vaze atengele Yehova Kalu­nga. Ikiye amwihwile pwevo ngwenyi, Kumana, Kalunga nambe ngwe­nyi, Kanda mukalya kumitondo yoseneyi yili mumilembako?

Nanguhaka kole nawa mukaci kenu napwevo, namukaci katanga yove natanga yenyi. Muka-tanga yenyi mwakacika mutwe wove, kahove naukatota kukakukunya kenyi.

Ambile kuli pwevo nawa ngwe­nyi, Luyando lwove nakwimita cove nangukavivulisa cikuma. Naukasema vana naluyando, naujikanga mucima wove kuli lunga lyove, kaha ikiye mwapwa mwata wove.

Naulyanga kulya cove namavule akumeso ove, palanga nomu nauka-lumuka ceka kupwa mavu, mwomwo kukiko vene ngwakulowele, mwo­mwo unapu ulukungu, kaha nauka-lumuka ceka kupwa lukungu.

Ambile kuli Alama ngwenyi, Mwomwove unevwilila mulizu lya-pwevo lyove nakulya kumutondo kana ngwakulwezele ngwami, Ka­nda ukalyakoko, xikaho mavu nawapwanga akwangula hali ove. Naulyangako naluyando hamaku­mbi osena nauyoya.

Amwihwile ngwenyi, Nyi iyaze nakulweze ngwenyi, uli uselesele? Unali lyehi, tahi, kumutondo uze ngwakulwezele ngwami, Kanda uka­lyakoko?

Ngoco amuhangilemo mutu, ahakile vaKeluve kumusamuko kumilemba yaEtene, namulangi wapoko yamukwale yakujingwomwoka kwo­sena nakulama jila yakumutondo wakuyoya.

Jino lunga alukile pwevo lyenyi lijina lyenyi ngwenyi, Eve, mwomwo ikiye naye yavaka-kuyoya vosena, xikaho.