Popularne wersety biblijne z JOHN 10

Udostępnij

Inɔ idige, ke mibɔhɔke man oyip, onyuŋ owot, onyuŋ osobo: Ami ŋkedi man mmɔ enyene uwem, enyuŋ edɔdiɔŋ enyene ekan.

Ami ndi eti ekpeme-erɔŋ; eti ekpeme-erɔŋ ayak uwem Esie ɔduɔk kabaŋa mme erɔŋ.

Mme erɔŋ Mi ekop Mi uyo, Ami mmonyuŋ mfiɔk mmɔ, mmɔ enyuŋ etiene Mi.

Ami nnyuŋ nnɔ mmɔ nsinsi uwem; ndien mmɔ iditakke ke nsinsi, baba owo kiet idinyuŋ iwamakere mmɔ isio Mi ke ubɔk.

Ami ndi inua-otop: edieke owo ekededi ebede Mi oduk, enye eyekut erinyaŋa, eyenyuŋ ebe oduk, onyuŋ ebe ɔwɔrɔ, okut se adiade.

Ami ndi eti ekpeme-erɔŋ; mmɔfiɔk se inyenede Mi, se inyenede Mi onyuŋ ɔfiɔk Mi kpa nte Ete ɔfiɔkde Mi

Ete Mi emi akayakde mmɔ ɔnɔ Mi omokpon akan kpukpru owo; ndien baba owo kiet ikemeke ndiwamare mmɔ nsio Ete Mi ke ubɔk. Ami ye Ete Mi idi kiet.

Ami nnyuŋ mfiɔkde Ete; mmonyuŋ nyak uwem Mi nduɔk ke ibuot mme erɔŋ.

Owo baba kiet ibɔhɔ Mi uwem, edi Ami ke Idem Mi nyak uwem Mi nduɔk. Mmenyene odudu ndiyak uwem Mi nduɔk, mmonyuŋ nnyene odudu nditɔŋɔ ntak mbɔ uwem mi nda. Ŋkɔbɔ item emi ke ubɔk Ete Mi.

Mmɔdo Jesus ɔtɔŋɔ ntak ɔdɔhɔ mmɔ ete, ke akpanikɔ ke ndɔhɔ mbufo, Ami ndi inua-otop erɔŋ.

Owo emi anamde utom ke okuk, emi midige ekpeme-erɔŋ, mme erɔŋ minyuŋ inyeneke enye, okut nte ekpe edide, ɔkpɔŋ mme erɔŋ, efehe esiemɔ, ekpe onyuŋ omum mmɔ asuan

KE akpanikɔ ke ndɔhɔ mbufo, Owo eke misaŋake ibe inua-otop iduk ke ufɔk-erɔŋ, edi ɔdɔkde ke usuŋ efen oduk, owo oro edi inɔ ye owo ŋwo.