Popularne wersety biblijne z Jọn 17

Udostępnij

Kọkọmaye mị nwọse ini mịẹfịafịama ị́ ḅụ pịrị; ị́ya ọkwẹịn mị anị kọkọmaye mị-ẹ.

Simegbaso ḍumo fiearịye anị ị́rị́ kẹngẹ, kọkọma Tamụnọ Ḅe nemi, pịkị Jizọs Kraịst ị́ se fịrịmaḅọ ḅe na nemi mị-ẹ.

“À tẹkẹ ini kẹngẹ nwọ pịrịkẹ, à pịkị tẹkẹ inia oku ḅụ ḅọrọ se ị̀ ḅereniḅịa apụma sọnị nwọ pịrịmẹ. À tẹkẹmẹ na inimgba gbọrịḅụ sime. Ḍaḅọ! Ye ini mịna ḅie sime, ị́rị́ ị̀ ḅie sime ị̀rị̀ pịkị ị́ ḅie simeọkụ mị. Ye ini gbọrịḅụ sime, mịẹse tomonikiri mị ḅereniḅịa ḅara na ị́rị́ ị̀ seni fịrịmamẹ.

Àrị ị́ ḅara ḅikẹ na ị́ tomonikiri mị ḅie ini ọkịso, ọkụma à kọkọma ḅimẹ na ḅereni ma Si Ḅọ Ḅe ye se ini lama.

Ị́ se ị̀ pịrị gbọrị boma mị à nwọse ini pịrịmẹ, mịẹse ini gbọrịḅụ simeḅịa ḅara, anị ị́rị́ na ị̀rị̀ na nwọ gbọrịḅụ simeọkụ mị: Ị̀rị̀ inia ḅie omi-ẹ, ị́rị́ pịkị ị̀ ḅie omi-ẹ, mịẹse ini ḅeinma gbọrịḅụ simeḅịa ọkụ, mịẹse tomonikiri mị nemi na ị́rị́ ị̀ se fịrịmamẹ, na ị́ pịkị ini ḅẹlẹmamẹ, ị́ ị̀ ḅẹlẹma ọkụ mị.