Popularne wersety biblijne z JOHANA 14

Udostępnij

Thlamuanna ka hnutchhiah a che u; keima thlamuanna ka pe a che u; khawvêlin a pêk angin ka pêk loh che u hi. In thinlung mangang suh se, hlauh pawh hlau suh se.

Isuan a hnênah, “Keimah hi kawng leh thutak leh nunna ka ni; keimaha kal lo chu tu mah Pa hnênah an thleng ngai lo.

In thinlung mangang suh se; Pathian in ring e, kei pawh mi ring ve rawh u.

Tin, Thlamuantu, Thlarau Thianghlim, Pain ka hminga a rawn tirh tûr khân, chu mi chuan engkim a zirtîr ang che u a, in hnêna ka sawi zawng zawng a hriat chhuahtîr leh ang che u.

Tu pawh ka thupêkte neia zâwm chu mi hmangaihtu a ni; tu pawh mi hmangaih chu ka Pain a hmangaih ang, kei pawhin ani chu ka hmangaih ang a, a hnênah ka inlâr ang,” a ti a.

Tin, Pa ka dîl ang a, ani chuan Thlamuantu dang a pe ang che u, chatuana in hnêna awm tûrin; chu chu Thlarau dik tak a ni; khawvêlin chumi chu an nei thei lo, amah an hmuh lohva an hriat hek loh avângin; nangnin ani chu in hria e, in hnênah a awm reng si a, nangmahniah chuan a awm dâwn a ni.

Tin, ka hmingin eng pawh in dîl apiang chu ka ti zêl ang, Pa chu Fapa avânga chawimawia a awm theih nân. Nangnin ka hmingin eng pawh mi dîl chuan, chu chu ka ti zêl ang.

Nangnin mi hmangaih chuan ka thupêkte chu in zâwm ang.

Ka Pa inah awmna tam tak a awm a, a awm loh chuan ka hrilh tawh tûr che u a ni; in tân hmun siamin ka kal dâwn hi.

Tin, in tân hmun ka han siam chuan, ka lo kîr leh ang a, ka hnênah ka la ang che u; ka awmnaah nangni pawh in awm theih nân.

Thoman a hnênah, “Lalpa, i kalna tûr chin kan hre lo asin; a kawng engtin nge kan hriat ang?” a ti a.