Popularne wersety biblijne z JOHANA 11

Udostępnij

Tin, Isuan a hnênah, “Kei hi thawhlehna leh nunna chu ka ni; tu pawh mi ring chu thi mah sela a nung reng ang; nung apiangin mi ring chu kumkhuain an thi lo vang. Chu thu chu i ring em?” a ti a.

Isuan a hnênah, “ ‘I rin chuan Pathian ropuizia i hmu ang,’ ka ti lo che em ni?” a ti a.

Isua chu a ṭap ta a.

Tin, Isuan chu chu a hria a, “He nâ hi thihna tûr a ni lo, Pathian mawi nân a ni zâwk e, Pathian Fapa chu hemi avâng hian a la mawina tûrin,” a ti a.

Tin, chutia a ṭawng zawh veleh chuan aw ring takin, “Lazar, lo chhuak rawh,” a ti a, a au va. Tin, mitthi chu a kut a ke thlân puana tuam chungin a lo chhuak ta a, a hmai pawh inhrûkna puana tuam a ni a. Isuan an hnênah, “Phelh ula, kaltîr rawh u,” a ti a.

Tin, Isua chu a rilruin a rûm leh a, thlân chu a thleng ta a. Chu thlân chu pûk a ni a, a kawngkaah chuan lung pakhat a awm.

Chûng thu chu a sawi a; tin, chumi hnuah chuan an hnênah, “Kan ṭhian Lazara chu a muhîl ta a; a muhîl kai harh tûrin ka kal dâwn a ni,” a ti a.