Popularne wersety biblijne z Luk̆a 6

Udostępnij

Meçit, tkvati mekçanoren. K̆aixeşa mk̆aseri, meşatxeri do mooxveri, opşa ozumaşete p̆orgyas gegibğanoren. Nam ozumaşete meçatna, hem ozumaşete eç̆opaten.”

K̆ai k̆oçik, guri muşişi k̆ai xazinaşen k̆aoba, p̆at̆i k̆oçik guri muşişi p̆at̆i xazinaşen p̆at̆oba eşimers. K̆oçişi p̆icik gurişen na epumspe zop̆ons.

Mara tkva duşmanepe tkvanis gioroput̆an, hentepes k̆aoba oğodit, noʒxit do nut̆k̆oçit; haşote dido mogaganen; do tkva İri-xoloşen Didişi skirepe ivaten; hemus movaracepe do p̆at̆epeşeniti k̆ai guri uğun.

Muç̆oti Baba tkvanis guriş meç̆vala uğun, tkvati giğurt̆an.”

“Mitis mutu mot eondumt, tkvati mot egondumt̆an. Masuçani mot gamionamt, tkvati masuçani var gamogionanoren. Çkvapes uxat̆irit, tkvati gixat̆iranoren.

“Mara, ma uci momçit, tkva giʒ̆umert: Duşmanepe tkvanis gioroput̆an, tkva na egidginanpes k̆aoba oğodit. Tkva na genk̆ç̆k̆espeşi k̆aobaşeni ixvamit do na gegok̆itxespes uxvamit.

K̆oçepek tkva muç̆o goğodesk̆o k̆ai giʒ̆onunan tkvati hentepes heşo oğodit.

Ark̆eleni ğva na gamogot̆k̆vaʒus majurak̆eleni ğvati gukti. Libade na egiç̆opus porça mot uşlem. Ar mitxanik mutxa dogak̆vanduna meçi do ar mutxa kegiç̆opuna hea çkva mot ak̆van.

“K̆ai nca p̆at̆i xila, p̆at̆i ncati k̆ai xila var meçams.

K̆at̆a nca xila muşik oçinapams. Daz̆işe luği var iʒ̆ilinen, tamlişenti urz̆eni var iʒ̆ilinen.