Popularne wersety biblijne z IOANE 12

Udostępnij

Kafai e fia tavini mai se tino ki a au, e 'tau o tautali mai ki a au, ko te koga e nofo au i ei, e nofo foki i ei taku tavini. Ka vikia ne toku Tamana a ia tela e tavini mai ki a au.”

Ko te tino e atafai ki tona ola, ka maumau tona ola; ka ko te tino e se fakapelepele ki tona ola i te lalolagi nei, e maua ne ia te ola se gata mai.

Au e muna tonu atu ki a koutou: a te fuataga saito e se mafai o uke ne saito e maua mai i ei, seiloga ke to ki te laukele kae pala i ei. Kafai e pala, ko tupu mai ei saito e uke.

Au ne vau ki te lalolagi, i a au ko te mainaga; ko te mea ke se nofo tumau faeloa i te pouliga a ia tela e fakatuanaki ki a au.

So se tino e lagona ne ia aku muna kae se fakalogo ki ei, e se fakamasino ne au. Me i a au e seki vau o fakamasino te lalolagi, kae o fakaola te lalolagi.

Ne puke ne Malia te pauna katoa o te sinu manogi 'togi 'mafa, 'ligi ei ne ia ki vae o Iesu, kae 'solo ki ona laulu, kae ne fonu te fale i te manogi o te sinu.

Tela, ave ei ne latou lau o pama kae olo o fakafetaui ki a Iesu, kae kalaga penei: “Ke vikia te Atua! Ke fakamanuia ne te Atua a ia tela e vau i te igoa o te Aliki! Ke fakamanuia atu te Atua ki te Tupu o Isalaelu!”

Ne tali atu a Iesu ki a laua: “Ko oko mai te taimi e tuku ei te 'malu lasi ki te Tama a te Tagata.