Popularne wersety biblijne z Mataayo 6

Udostępnij

Lɨno ʉnyie londagi taasi ʉLʉdeeva lwa Ngʉlʉve nʉ kʉvomba ʉgwʉ ganogelanie pamiiho ga mwene, pwʉ isyo syoni mukwongeletsiwaagwa.

“Pwʉ mulekage ʉkʉtʉngʉtsiima ni tsa kɨlaavo ʉlwakʉva itsa kɨlaavo jʉtsiiva nʉ lʉtʉngʉtsiimo lwa tsyene. Ɨkɨgono ɨkɨveetsaga kɨlɨ nʉ vʉpala wa kyene ʉvʉkwɨlanie.

“Pwʉ ndikʉvavʉʉla, mwɨlekelwe ʉkʉtʉngʉtsiima pa kulongwi tsa wʉʉmi wiinyo ʉkʉta mulitsaga kɨki, evo munywetsaga kɨki, evo ɨmihana giinyo, muswalaga kɨki. Ndeeti ʉwʉʉmi nawʉ vʉlʉti pa kyakʉlya, nʉ mmana nagwene nagwʉ ndʉti pa misabwa?

Lɨno ʉve wʉ vunogwa ʉkwɨsaja kwa Ngʉlʉve, ingila mu kɨjumba kya kʉgati nʉ kʉdɨnda ʉndyango. Ɨsaje kwa Dadaajo ʉvɨ nivoneka. ɄDadaajo ʉvɨ ilola ʉgwʉ givombeka kʉvʉtiitu, alakʉhomba.

Lɨno ʉnyie wʉ mukɨsaja muteetsage, ‘Daada viitu va kʉkyanya, ɨlitaawa lyako lɨvalatsiwaagwe. ɄLʉdeeva lwako lwitsage. Ʉvʉnogwe waako vʉkongiwaagwe paasi apa, nda kʉkyanya.

Ʉtʉpeetsage isiinu siitu isyɨ leelo ɨjɨ.

Ʉtʉsyɨkɨlage inongwa tsiitu, ndʉwʉ ʉwe tukʉvasyɨkɨla avalɨ ni nongwa kwawe.

Ʉlatʉvɨɨkaga ndʉgelo, apeene ʉtʉpoke kʉ ntavangwa, manya ʉLʉdeeva lwako, na maka gaako nʉ vʉdwadwa waako sikutsooni! Ameni!’ ”

ɄYɨɨsʉ aatsovile ikange akata, “Ɨngave mukʉvasyɨkɨla avaanu imbiivi tsa veene, namwene ʉDadajiinyo va kʉkyanya ikʉvasyɨkɨla najyʉnyie imbiivi tsiinyo.

Lolelagi kʉ sidege. Nasivyala, nasibena nʉ kʉvɨɨka isiinu mu sibaana, napeene ʉDadajiinyo ʉvɨ alɨ kʉkyanya, ikʉsiliisa. Lɨno, ʉnyie namusaagɨlɨlwa siitso nʉ Ngʉlʉve ʉkʉlʉtɨɨlɨla isidege isyo?

“Muleke ʉkwɨvɨɨkɨla ʉvʉmosu mu kɨlʉnga ʉmʉ, ʉmwʉ ʉmehe nɨ ngʼusu sinanga nʉ mwʉ avahɨɨtsi vimamula isibaana nʉ kʉhɨɨtsa. Lɨno mwɨvɨɨkɨlage ɨkɨbaana kʉkyanya ʉkwʉ ʉmehe nɨ ngʼusu nasinanga nʉ kwʉ avahɨɨtsi navimamula nʉ kʉhɨɨtsa, manya ʉpwʉ kɨlɨpwo ɨkɨbaana kyako, pwʉ peene najɨ numbula jyako jɨlatsiiva.

“Nakʉli ʉmuunu ʉvɨ iweesa ʉkʉvavombela avatwa vavɨlɨ kʉ nsɨkɨ mpamato. Lola, wʉ ikʉnʼgana nʉ kʉmbombela vʉnonu ʉntwa mpamato, pwʉ ikʉnsʉʉla nʉ kʉmʼbeda ʉjyʉnge ʉlya. Namukaweese ʉkʉmbombela ʉNgʉlʉve nɨ kyʉma kʉ nsɨkɨ mpamato!

Ɨngave ʉNgʉlʉve ikʉlʉswɨka ewo ʉlʉhamba ʉvʉlʉva, nʉpwʉ jɨngave lunogela kʉ nsɨkɨ nʼdebe vʉvʉle, akasɨkɨ akikonga lukwʉma nʉ kʉnyianywa, ndeeti, ʉNgʉlʉve nakalʉtɨɨlɨle ʉkʉvaswɨka ʉnyie, mwe vaanu va lwɨdɨko lʉdebe?

Lɨno ʉve wʉ vuhʉmya isyavʉpe, ɨkɨvoko kyako kya kʉngʼɨgɨ kɨleke ʉkʉlʉmanya ɨkyʉ kivomba ɨkɨvoko kya kʉndyo, pakʉta isyavʉpe syako sive sya kʉvʉtiitu. ɄDadaajo ʉvɨ ilola itsʉ tsivombeka kʉvʉtiitu, alakwokela.

“Muve miiho, muleke ʉkwɨvɨɨka mulɨ vagolosu va Ngʉlʉve pamiiho ga vaanu pakʉta vavavone. Mungave muvomba ewo, namukʉʉpɨlɨle ʉlwokelo ʉkʉhʉma kwa Dadajiinyo ʉvɨ alɨ kʉkyanya.

“Wʉ mukɨdɨnda ʉkʉlya ɨkyakʉlya, mulekage ʉkʉsʉsʉvala kʉmiiho ndʉwʉ avagelʉngʼania vivomba, manya aveene vivonia ʉlʉsʉsʉvalo kʉmiiho pakʉta avaanu vavavone ʉkʉta vɨdɨndile ʉkʉlya ɨkyakʉlya. Tsa jɨlweli ndikʉvavʉʉla ʉkʉta, avo vamalile ʉkwʉpɨlɨla ʉlwokelo lwa veene. Apeene ʉve ʉngave wɨdɨndile ʉkʉlya ɨkyakʉlya, ʉpuguhe kʉmiiho nʉ kʉbaka amafuta kʉ ntwe, pakʉta avaanu valeke ʉkʉlʉmanya ʉkʉta ʉlɨ mu kwɨdɨnda ʉkʉlya ɨkyakʉlya. ɄDadaajo ʉvɨ nivoneka mu miiho, vɨ mwene alʉmanye mwene. Ikange ʉDadaajo ʉvɨ igendelela ʉkʉlola ʉgwʉ givombeka kʉvʉtiitu, alakʉhomba.