Popularne wersety biblijne z GÉNESIS 17

Udostępnij

Kunapachatix Abram chachax llätunk tunka llätunkani maranïxän ukkhaw Tatitux jupar uñstäna, ukatsti sarakïnwa: —Taqi ch'amani Diosax nayätwa; jumasti nayan nayraqataxan askipun sarnaqam

janirakiw Abram satäkxätati. Jichhat uksarux Abraham satäxätawa, walja markanakan awkiparuw tukuyäma.

Kuna arust'äwtix jumampix lurktxa, ukhamarak akat qhiparusa wawanakamampi lurkä ukax akawa: Nayax juman Diosamapunïyäwa, wawanakaman Diosaparakïyäwa.

—Jumampi mä suma amtäwiru mantataxaxa akawa: Jumax walja markanakan awkipäyätawa

Tatitusti sarakïnwa: —Sara warmimax mä wawa wawacharapïtam, jumasti Isaac sutimpiw uchäta. Jupampiw arust'äwix sum sayt'ayä, wawanakapampisti wiñayatakiw arust'äwix utjayarakï.

Canaán uraqisti, kawkhantix jichhax jakkta uka uraqix jumampiru, wawanakamampir wiñayatak churatäniwa, nayasti jupanakan Diosaparakïyäwa —sasa.

Ukatsti Abraham chachax uraqir p'iqip puriyañkamaw alt'asïna, ukatsti akham sasaw larusïna: “¿Patak maran jaqisti wawanirakïspati? ¿Sarasti llätunk tunka maranirusti wawanirakïspati?” sasa.

Diosasti Abraham chacharux sarakïnwa: —Warmimax janiw jichhat uksarux Sarai sutinïkxaniti. Jan ukasti Sara sutinïxaniwa.

Jumanakasti chhuxurasiñaman lip'ich janchip kharirasipxäta, ukaw mä chimpüni kuna arust'äwirutix jumanakampi nayampi mantapktan ukatxa.

Ukampis nayan arust'äwix Isaac wawamampikiw utjayä, kawkïri wawtix akat mä mararux Sara warmimax wawacharapkätam ukampi.

Jichhat uksarusti taqi yuqall wawaw yuritapat kimsaqallqu urur circuncisión katuqañapa, uka kipkarakiw utaman yurki uka yuqall wawasa, qullqimpi alasit uywataman yuqall wawapasa, jaya markat jutir jaqin yuqall wawapas circuncisión katuqañapa. Taqi yuqall wawapuniw circuncisión katuqañapa. Ukhamaw nayan arust'äwixax jumanakan janchiman chimpuntatäni, wiñayataki mä arust'äwjama.