Popularne wersety biblijne z Lukə̀ 8

Udostępnij

Ntyiʼə̀ ngə̀ aŋunə ngẅàrə̀ ɨ̀pwuumə̀ za nɨ ɨ̀ lə̀ kẅìnə̀nə aŋunə alyiʼə ɨ̀shyə̂ ɨ̀shìʼnə̀ la, ɨ̀ chyə̂ la tsaʼa pànə̀ pa pyə̀ nɨ pobə pa ndzuʼù àshwəŋnə̀ Nẅùə̀ ngẅìimə̀ a zèrə nkǔŋə nkuŋə nɨ ntɨŋmə̀ ɨ̀ghobə ɨ̀tsùmə̀ tə mbyàa nkwùə̀ nɨ a zumə̀nə mɨ̀ntàamə.”

Ngə̀ aŋunə zhyə̀ nɨ ɨ̀ lə̀ kẅìnə̀nə amwuə àŋwàʼŋwaʼa la, ɨ̀ chyə̂ la tsaʼa pànə̀ pa pyə̀ nɨ pɨ pa ndzuʼù àshwəŋnə̀ Nẅùə̀, la tsaʼnə pobə tyiʼnə mmə nchyə̂, mɨ̀ntòmnə̀ amwuə nɨ̀chyə̂mbyə̂, nɨ ntoŋə nkabə̀ pobə ɨ̀pwuumə̀ mbyə̂ zòŋə̀ lo kò pobə kẅuə̀ nkùʼù.

Zhyə̀ nɨ ɨ̀ lə̀ kẅìnə̀nə àtwuə̀ àlàrə̀kə̀ nɨ̀ghòorə la, a pànə̀ pa nɨ pɨ pa ndzuʼù àshwəŋnə̀ Nẅùə̀ nkẅiirə̀ nɨ nɨ̀ghaʼà, la ka a kwuunə̀ e amwuə mɨ̀ntɨŋmə̀ ɨ̀mobə. Mbyiimə̀ tyìʼə̀ aŋunə mətùmə nkwùə̀; la nkwùə̀ nɨ àkwàʼnə̀ a tônə pobə wɨ̀ghə̀.

Yěsû a pyiitə̀ ɨ̀zùŋə̀ ndzùmə̀ ɨ̀pe lo, “Àpyiimə̀ àzɨghə̀ a lèrə̀ ɨghə?” Àkẅàrə̀ a kwuunə̀ a ghobə, pobə yerə̀ ntyiʼə̀ mbyiitə̀ pobə nɨ pobə lo, “Lə̌ zèrə mbuurə̀ ŋwùə̀ nsaʼà àghə̀ʼtə̀ pobə nchyə ghù pə̀grə̀nə ɨ zuʼnə̀ e lə?”

Zhyə̀ nɨ ɨ̀ lə̀ kẅìnə̀nə àlàŋə ndwuumə̀ ɨ̀ chyə̂ la tsaʼa pànə̀ nɨ pɨ zuʼnə àshwəŋnə̀ Nẅùə̀, Satàanə̀ a tô fuukə̀ a zèrə amwuə mɨ̀ntɨŋmə̀ ɨ̀mobə, mbə̀ʼə pobə kaŋə pyiimə̀ chwarə̀.

Ntiinə ka àzwuumə̀ àtse nɨ a pənə yè lə̀əmə̀nə a pə e ghu nɨ ka pɨ pə ghǎ fuukə̀ e a sàŋə̀, ka yètse nɨ a pənə yè lə̀əmə̀nə a kɨ mbə e ghu nɨ ka à pə ghǎ furə̀ e a sàŋə̀.

Tsaʼnə mə̀ngyə̌ wa à lə̀ zəənə̀nə lo mbə̀ʼə ka à lə̀əmə̀ e ɨ̀pɨ̀ŋmə̀ e la, à lə̀ furə̀ amwuə àpùŋə̀ pə̀ənə̀ za mmə ngyìinə̀ ngwùrə̀ ntô nkunə̀ a mbyə̀ Yěsû ntyiʼə̀ nshwəŋnə̀ a mbyə̀ ŋwùə̀ ntsùmə̀ ntiitə̀ ànwùə̀ nɨ à ghɨ̀rə̀nə a pètə̀ e la. Pànə̀ pɨ̀tsùmə̀ nɨ pɨ pənə alyiʼə ghu zuʼù ànwùə̀ ghu. A tyiʼə̀ nshwəŋə̀ ndwuumə̀ nɨ à lə̀ zùŋə̀nə ntɨ̀ŋnə̀ nkwùə̀ nɨ à lə̀ pètə̀nə àtsəŋə̀ atsəʼə Yěsû la. Yěsû a tyiʼə̀ nshwəŋə̀ ambo mə̀ngyə̌ wa lo, “Moonə̀ mə, àpyiimə̀ ntɨŋmə̀ o a ghɨ̀rə̀ wə̀ tɨ̀ŋnə̀, tyiʼə̀ ndèrə̀ nɨ àporə̀porə̀.”

Ɨ̀zùŋə̀ ndzùmə̀ ɨ̀pe zhwèmnə̀ e nshwəŋə̀ lo, “Masàa, Masàa! Pə̀ənə̌ kwɨghə̀!” Yěsû a lòo a ɨ̀shyə̂ nsaʼà a fèrə̀ pobə nchyə ghù pə̀grə̀nə wa ngɨ̀rə̀ àghə̀ʼtə̀ za a ləənə̀, ɨlyiʼə zhwemnə̀ nɨ tuʼu.