Popularne wersety biblijne z Lukə̀ 10

Udostępnij

Nɨ̀ zəənə̀! Ŋ̀ŋâ ɨ̀tɨ̀ŋnə̀ ambo pɨghə lo nɨ̀ nyə̀nkə̀ mɨ̀nyoorə̀ pobə pɨ̀ngaamə ɨ̀shyə̂ nkɨ mbə nɨ mɨ̀tɨ̀ŋnə̀ àtwuə̀ ngàŋə kɨpaanə ɨ̀zɨghə. Lenəla, ànwùə̀ ɨ̀tse a tòmnə̀ e a wɨghə apə̀.

Yěsû a shwəŋə̀ ambo ze lo, “Marətà! Marətà! Mɨ̀nwùə̀ mɨ̀noʼnə mə ntòmnə̀ o. La taʼà àzwuumə̀ a kùʼnə̀ a nɨ pə ambo ghò. Màriyà a tsoʼò mə̀ a pàa ɨ̀shìʼnə̀ nɨ mbə̀ʼə ka ŋwùə̀ kẅiirə̀ e ambo ze.”

A kẅùə̀ lo, “Tyiʼə̀ nkòŋə̀ a Ndòʼnə̀mbyə̂ Nẅùə̀koʼò o nɨ ntɨŋmə̀ o ɨ̀tsùmə̀, nɨ Àzhwùə̀ o àtsùmə̀, nɨ ɨ̀tɨ̀ŋnə̀ o ɨ̀tsùmə̀, farə nɨ àzhìʼtə̀ o àtsùmə̀. Ntyiʼə̀ nkòŋə̀ a ndyimə o tsaʼa mbɨ̀ŋmə̀ o.”

Tsaʼnə à lə̀ mənə ntwuumə̀ a ghobə la, à lə̀ nshwəŋə̀ ambo pobə lo, “Mɨ̀zɨghə̀ koʼò amwuə ɨ̀swùumə noʼò la pɨ̀fùʼù tyiʼə̀ nkɨ̂. Nɨ̀ chàʼtə̀ a Nẅùə̀ lo Ndòʼnə̀mbyə̂ ngàŋə̀ ɨ̀swùumə â tsàa ngàŋə àfàʼà amwuə ɨ̀swùumə mbə̀ʼə pɨ ghə̀ nfùʼù mɨ̀zɨghə̀ mɨ̀ghu.

Yěsû a pyiitə̀ ambo ɨ̀nèrə̀ mbòomə wə̀ lo, “Wə̀ kwàŋə̀ lo ndyimə ŋònə̀ ẅèrə wə̀ a tɨ̀tɨ̀rə̀ pànə̀ pə̀ pɨtarə a ɨ̀wə̌?” A kẅùə̀ lo, “Ŋònə̀ wa nɨ à lə̀ koorə̀nə mɨ̀lɨŋə̀ ɨ̀me la.” Yěsû a shwəŋə̀ ambo ze lo, “Lèrə̀ nkɨ ntyiʼə̀ ngɨ̀rə̀ a lenə.”

Nɨ̀ lèrə̀; la tsaʼnə nɨ̀ mənə ndèrə̀ la nɨ̀ zhyə̂ lo ǹtsàa a wɨghə àpyìinə la tsaʼa ɨ̀poonə̀ pɨ mbyə̂ ndzìrə̀ a tɨ̀tɨ̀rə̀ pəfuunə.