Popularne wersety biblijne z Juan 17

Udostępnij

Sʌc-esañob ti a isujmlel, come a t'añ isujmʌch.

Jiñʌch i cuxtʌlel mach bʌ añic mi' jilel che' mi' cʌñetob, jiñi cojach bʌ isujm bʌ Dios, yic'ot Jesucristo tsa' bʌ a choco tilel.

Mach cojic jach mi' c'ajtibeñet i wenlel ili wiñicob x'ixicob, pero ti pejtelelob jiñi mu' bʌ caj i ñopoñob cha'añ ti' t'añ ili wʌ' bʌ añob, cha'añ mi' yajñelob ti jump'ejl jach i pusic'al, che' bajche' añet ti joñon c Tat, che' ja'el añon ti jatet, la' ajñicob ja'el ti joñonla ti' junmojt cha'añ mi' ñopob jiñi año' bʌ ti pañimil cha'añ jatet tsa' chocoyon tilel.

Ma'añic mij c'ajtibeñet cha'añ ma' pʌyob loq'uel ti pañimil. Cojach cha'añ ma' cʌntañob ame yajlicob ti jontolil.

Joñon tsa' cʌq'ueyob a ñuclel tsa' bʌ a wʌq'ueyon cha'añ mi' yajñelob ti jump'ejl jach i pusic'al, che' bajche' jump'ejl lac pusic'al ja'el. Añon ti' tojlelob, añet ti joñon, aq'ueñob i taj ts'ʌcʌl bʌ i junmojtlel, cha'añ che' jiñi, jiñi año' bʌ ti pañimil mi caj i ña'tañob jatet tsa' chocoyon tilel, mi caj i ña'tañob c'ux tsa' wu'biyob, che' bajche' c'ux tsa' wu'biyon.