Popularne wersety biblijne z JON 14

Udostępnij

“A tamwata ineu nam siregi lawe gimiu; a noku tamwata nam bete lawe gimiu. Ineu na he bete te lawe gimiu mwere na tangaloi talo ure ram bete. Igimiu nen mese vai na domimiu vena romasi ko nen mese matagu.

I Jisas mo duvi lawea vena: “Ineu a matahala, ineu a hogo, ko ineu a mwasoana; ihine vin he vano lai tea sulobei Mama nge luku hogosie.

I Jisas mo veve lawera nona rorongtagi vena: “Igimiu nen mese vai na taqangimiu vena alealegi. Nen ladohogo lui God, ko nen ladohogo luku vage.

I Buluiana ngehi, a Vui Gogona i Mama vin horae lo henaku, vin huhui gimiu gena gineu doluegi, ko vin vei gimiu nein ladohaqe na gineu doluegi ngerehi nau vevera lawe gimiu.

“Ihine tea mo lai vurugegi na noku Leohora ko mo ronghurire, ingeie hi mo tabeau. I Tamaku vin tabe ihine hi mo tabeau; ko ineu vage nain tabea ko nain haharagieu siboku lawea.”

Ineu nain nevu den Mama, ko ingeie vin bete na Buluiana wagineu lawe gimiu, ngehi vin toga mei gimiu vagi tuei. Ingeie hi a Vui mo serelue na hogo huri God, a tangaloi talo ure rain he lai leie tea, huri rain he lehie tea sige rain he iloe tea. Nge igimiu nem iloe, huri ingeie mo toga mei gimiu ko mo toga lolo lolomiu.

Ko ineu nain vei na hava gineu hi gimiu nein nevu huri lo henaku, siu huri ve i Netui vin vei roroagi i Mama. Tare ve igimiu nein nevuhieu huri na hava gineu tea lo henaku, ineu nain veie.”

“Tare ve igimiu nem tabeau, nein ronghuri na noku Leohora.

A mahogi u sao lolo valei Tamaku, ko ineu nain vano nain vagatai na ute huri gimiu. Ve hate hogo mwerehi, nain he veve tea lawe gimiu mwere ngaha.

Siu lo tagugi nain vano nain vagatai na ute huri gimiu, nain vanai lobemiu taligu ko nain lei gimiu sulobeku, siu huri gimiu nein toga lo ute hi neu nam toga aie.

I Tomas mo veve lawea vena, “Huqe, igamai gahe ilo tea ve iniko goin vano logo. ?Igamai gain ilo na matahala mo vano aiehi mwerehilogo?”