Popularne wersety biblijne z GENESIS 6

Udostępnij

BAWIPAW nynh laephi vawlan ccungccaw a la raepaw kha a ngaesikuh, te tuh-e a raepaw nynh a thinlung kha myarya a ccisah.

Laephi kya ccungccaw hoyleinaw tuh myarya le zah mih thinlung nynh a tuapaw miakaw kya ahoy leipaw cci nynh zungzae a um cipaw kha BAWIPAW nynh a muih.

Thuasalama Noah tuh BAWIPAW mitmuihnaw kya maehoynaw a mue.

Hynh-e hae tuh Noah konglang nynh thua hae. Noah tuh midingpaw, tuh-e she lyaze ccaenaw um leipaw thua zah Pachia ryte a mungkuh hae paw nynh thua.

Tukeiccuze BAWIPAW nynh, “Ka raepaw ccungccaw hae, sarangpaw hae, a vawthya hae paw te vaawlang e pavaw hae kha laephi kyate ka roh cih, pawccecize minmin ka raepaw hynh ka ngaesikuh,” a ci.

Laephi vawlan ccungccaw hae tuh pungzae hae zah ccanopi hae kha he a saah hae tuh, Pachia ccapaw hae nynh tuh-e ccanopi hae mih puithyanaw kha a muih hae; a ry hae paw kha pokuh hae zah zu lang a dyku hae. Oute BAWIPAW nynh, “Ka muisaw tuh a chihthyapaw ccungccaw hae kya zungzae um lan ccan khyh, pawccecize minmin tuh ngesaw nynh thua hae; ccungccaw she tuh za kheit kum kuin thua sah,” a ci. Tuh-e she kya laephi vawlan mih pyn lepaw Nefilim ccungccaw hae la um hae, tuh-e she koute mah Pachia ccapaw hae nynh ccungccaw ccanung hae te ihkheih hae zah ccaaw a saah hae. Tuh-e ccaaw hae tuh langmawlya mawte rawhoy hae paw te minthaan hae paw nynh thua hae.

Pachia nynh kaw a pya thyhte Noah nynh pong a cyi.

Te Pachia nynh Noah kha, “Ccungccaw balyn kha phe maemih lan ka tuaku vae, pawccecize laephi tuh minmin keiccuze puathonaw te nynh phe a bia vae; atu laephi te minmin kha ka roh vae cih.

Kawparah thing te sanphalung ccangkheit kha namaw hanlan raekuh; a lungkhu kya akhaan hae kha rae lah sanphalung a lungkhu lang te atolang kha thingphi te pong na thuh cih.

Te Pachia nynh laephi hynh hoy khyh cite a muih; pawccecize ccungccaw balyn tuh laephi vawlan ahoy leipaw hiinzia te a hiin vae hae.

Ahiinpaw sarangpaw aphuinphuin kya-e nopi te pise bua kheit cci kha na lah cih zah namaw ryte mih hiinnaw kha khynsah khylan sanphalung lungkhu lang na teekhae cih hae.