Popularne wersety biblijne z Ruka 21

Udostępnij

Ma kam na tantani n taai nako ao tataro b'a e aonga n reke i roumi te marurung are kam na kona iai ni biri nako mani baika nang roko, ao te kona n tei i matan Natin te Aomata.

Ma kam na kawakiningkami b'a a na aki kamamaraaki nanomi n taekan ti te kan am'am'arake ma te mamanging ma iango n raraoma i bukini b'ain te maiu aei, b'a e kawa ni karina rokon te bong arei n te tai are kam aki kaantaningaia iai ni kam'aneingkami

Ane kam na kareke maiumi n nanom'aakami.

B'a Ngai ae N na anganingkami te wii ae ribinewe ma te rabakau, b'a a aonga n aki kona aiami n tuuki ao ni kakewei ami taeka.

A na mauna karawa ma aonnaba, ma a na aki kona ni mauna au taeka.

Ao ane a na riki baika kamimii nakon taai ma nam'akaina ma itoi; ao ane a na bane aaba nako i aonnaba ni bua aia kaantaninga n rurungaani marawa ma naao. Ane a na b'aka ni kiro aomata i bukin te maaku ma kaantaningaan te b'ai ae na roko i aonnaba; b'a ane a na kam'aeaki b'aini karawa mani neia are a taneiai iai. Ao ngkanne, ane a na noora Natin te Aomata b'a E na nako mai n te nang ma te m'aaka ao te mimitong ae bati.

Ane kam na ribaaki irouia aomata ni kabaneia i bukin arau.

Ane e na roko m'aiein te aba ae korakora, ao a na roko roongo ma aoraki aika kamamate n taabo tabeua; ao ane a na roko baika kakamaaku ma kanikina aika ab'ab'aki mai karawa.

Ao ngkana kam ongo taekan taiani buaka ma kiriwe, ao tai maaku; b'a a riai n riki moa baikai, ma tiaki nanona b'a a kaotia n ae nangi roko ni waekoa te toki.” Ao E a manga taku nako ia, Ane e na tei rake te botannaomata teuana n eeka nako te botannaomata teuana, ao te tautaeka teuana n eeka nako te tautaeka teuana.

Ao ane a na riki baika kamimii nakon taai ma nam'akaina ma itoi; ao ane a na bane aaba nako i aonnaba ni bua aia kaantaninga n rurungaani marawa ma naao. Ane a na b'aka ni kiro aomata i bukin te maaku ma kaantaningaan te b'ai ae na roko i aonnaba; b'a ane a na kam'aeaki b'aini karawa mani neia are a taneiai iai.

Ao E a manga taku nako ia, Ane e na tei rake te botannaomata teuana n eeka nako te botannaomata teuana, ao te tautaeka teuana n eeka nako te tautaeka teuana.

Ao E kaekaia ni kangai, “Kawakiningkami b'a kam na aki burebureaki; b'a ane a na roko aomata aika bati n arau, ao ane a na kangai, ‘Boni Ngaia ngai!’ Ane a na kangai naba, ‘E a kaan te tai are E na roko iai te Kristo!’ Tai nako n iriia.