Popularne wersety biblijne z Ioane 14

Udostępnij

“I katuka te rau iroumi; I anganingkami au rau: I aki anganingkami n ai aron te aba, ngkana e anga. A na tai rawawata nanomi, ao a na tai maku.

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

“A na tai rawawata nanomi; kam na onimakina te Atua, ao kam na onimakinai naba.

Ma te Tia Buobuoki, are te Tamnei are Raoiroi, are E na kanakomaia te Tama n arau, E na reireingkami b'aai ni kabane, ao E na kaururingkami taeka ni kabane ake I a tia n atong.

“Ane iai i rouna au tua nako, ao e tou mwiia, ao e kaotia iai b'a e tangirai; ao ane tangirai ao e na tangiraki iroun Tamau, ao e na tangiraki naba irou, ao N na kaotai nakoina.”

Ao N na butiia Tamau, ao Ngaia E na anganingkami temanna riki te Tia Buobuoki, b'a E na memena iroumi n aki toki. Te Tia Buobuoki aei bon te Tamnei are Tabu i bukin te koaua; are e aki kona ni butim'aeaki iroun aonnaba, b'a e aki noria, ao e aki ataia. Kam ataia ngkami, b'a E maeka iroumi, ao E memena i nanomi.

Ao N na karaoa te b'ai ane kam bubuti i bukina n arau, b'a e aonga ni kaotaki mimitongin te Tama iroun te Nati. Ngkana kam butiai te b'ai teuana n arau, ao N na karaoia.

“Ngkana kam tangirai, ao kam na tou mwin au tua.

E m'awawa nanon ana auti Tamau i bukin te maeka; ma ngke arona b'a akea, ao e koaua b'a N na tuangngkami ae N na nako ni katauraoi nnemi i m'aimi?

Ao ngkana I nako ni katauraoi nne i bukimi, ao N na manga oki ni kairingkami nako iu; b'a ike I mena iai, ao kam na mena naba iai.

E taku Toma nakoina, “Te Uea, ti aki ata te tabo are Ko na nako iai; ao ti na kanga n ata te kawai?”