Popularne wersety biblijne z Yõaannẽ 1

Udostępnij

Baa nẽẽꞌthẽk aattĩg eeta ũgẽẽgĩ ꞌcĩg ẽlẽmĩ ĩnõõnnõ nẽ ĩthĩhĩt thõõth cĩnnĩ, nĩngĩtĩ aaꞌnyĩkĩ nẽẽ ĩhõõggõ hiita hĩĩtõ lõhõlĩ cĩg Nyekuci.

Baa ꞌthianaatta, baa aaĩ Thõõtha. Baa arũmĩ Thõõth hĩ Nyekuc nẽ baa ĩĩn Thõõth Nyekuc.

Nẽ lanyit cieeni, ĩĩn lanyit ꞌcĩ aara muguratõõ, nẽ hõllõngaa occa adĩĩt muguuri lanyit icci ũdũt.

Ma nĩngaata, ikia Thõõth baa ĩĩn lanyit ĩĩ eet nẽ hũrũmtĩ hĩ ngagĩĩt hõdẽĩ loota nĩnga. Hiita hĩcĩnĩt naag bulẽẽnĩt cĩnnĩ dĩdĩ, bulẽẽnĩt cĩ Ngeertĩ Nyekuc Maaꞌnyĩ ꞌcĩ odoyyii. Aꞌnyahaakeet nẽẽ ngagĩĩt loota nĩnga, bũnnai hĩ thõõth vẽlẽk ꞌcĩ ĩĩn dĩdĩ, ꞌcĩ aku hĩ Nyekuc.

Baa ẽhẽnytaa hẽlẽggĩ vẽlẽk Thõõthaa nĩĩcĩ. Má baa hiittiõõ nẽẽ tõõ, aitiõõ baa ꞌgii ꞌcĩ ẽhẽnytaa tõõ. Baa aaĩ rũgẽtĩ hĩ ĩnõõnnõ nẽ baa ĩĩn rũgẽtĩ niccia lanyit cĩ eetu.

Ma loohoth cĩnnĩ, udtuuha Yõaannẽ Yeesu ngaatĩ akuuni hĩ ĩnõõnnõ, nĩngĩtĩ õthõõthĩ Yõaannẽ aĩnnĩ, “Ĩcĩnĩt Mĩꞌnyõõn cĩ Nyekuci ꞌcĩ attik ꞌthẽccanẽẽt cĩg eetuk!

Baa aaĩ Thõõth loota nĩnga, tananga baa ẽhẽnyta nẽẽ looc, baa hinnia aitiõõ ẽẽtĩ ꞌcĩ aga ĩnõõnnõ tõõ. Baa aku nẽẽ looccaa cĩnnĩ nẽ hõllõngaa ẽlẽmĩ eeta cĩgĩnnĩg ĩnõõnnõ.

Lanyit ꞌcĩ ĩĩn dĩdĩ, ꞌcĩ aku aara hĩ eet vẽlẽk ko, aku hĩ eet loota nĩnga.

Baa aaꞌnyĩk Nyekuci eet nyattal cĩnnĩ, eetaa ꞌcĩ haĩ Mũũꞌtha, nẽ ikia bũnnai hĩ thõõth ꞌcĩ ĩĩn dĩdĩ hĩ Yeesu Krĩstõ.