Popularne wersety biblijne z THAUREYMEI 1

Udostępnij

Khoutei Ravguangc rui sa the, “Aniu maengc khou, aniu ta luihmei maansei kasiamh di kho; kaniw rui khav, nruay, khouringh kaguayna, khatni kai khouringc nwmbangc khouringc, daihmei nthyammei kapwmna ruc khou ngamv nai kan di tho.” Kumna Ravguangc rui maansei ta damclou the; kata luicna; damclou the. Kamei rui nggaanvmei lev ntumei damclou the.

Ravguangc rui kaniw khou heikumna suaihiamlou the, “Lungckingc lungckiucna lungcpat tho, kandih kapwm hei lungc padikpat tho kumna kandih ti hei sin tho; duipui khav, ga, nruay thauruay khatni kandih nam ruc khou kalung bammei khouringh katana ruc khou kaipouc sw tho.

Thaurey khou, Ravguangc rui tingpuk lev kandih damclou khwan e.

Mi ganv khou tei kalwn maekna khatni nsa karaeng bam khwan e. Duipui ta zinghmei rui gum zingh zing bam khwan e, kumna Ravguangc tuang bumaengc rui dui ruc khou tei kalung bam khwan e.

Ravguangc rui “Gaanhmei nai kan di tho” twna sa the; khoutei gaanhmei pat the.

Ravguangc kamei rui damcloumei puat guay ta tei zauc the, kumna kamei mpeyna pian the. Zingbangc tat kan the lauthwan guang dat the. Hei tei zaeng charukmei the. Kumna kamei pian the.

Gaanhmei tei gay the twmei Ravguangc rui how the; kumna Ravguangc rui gaanhmei lev zinghmei ta kalangv baicna tipatlou the.

Nap-bi zaat kaguayna khatni tingthai paannu zaat kapwmna nangniw taektw khang tiilou the.

Kamei rui gaanhmei ta “Kalaanv” khatni zinghmei ta “Zingbangc” twna kaw the. Zingbangc tat kan the, lauthwan guang dat the. Hei tei reymei tingmik the.

Khoutei Ravguangc rui “Dui kak khou tingraeng nai kandi tho kumna hei tei rui dui ta sw ntamv kandi tho,” twna latdanv pat the.

“Nwmbangc khouringc guay khang khatni nruay thauruay, nku-nrui guay khang thingnuy paannu khatni ndiakcmei thingbang kaniw taektw khang tiilou the.” Hei tei kumcna pat kan the.

Ravguangc rui kumna sa the, “Zingbangc kalaanv nai khang khatni kating kaneic kakwm kaganv thay khang tingpuk khou gaanhmei pat kan di tho.

“Kathai nthaimei, thingnuy paannu, phunling phunlu kazaat guayna kandih khou pat kan di tho” twna Ravguangc rui sa the, kumna hei tei pat the.

Kumna Ravguangc rui tingraeng damclou the, kumna hei tei rui tingraeng ruc khou khatni tingraeng bangc khou sw ntamvlou the.

Kumna kandih rui thingnuy paannu kazaat kaguayna tipat the. Ravguangc rui hei tei gay the twna how the.

Ravguangc rui gaanhmei daihmei kanei damclou e, gaanc ranvmei kalaanv khang neihmik khatni gaancnaumei zingbangc khang bw kasiamhlou the. Kamei rui gaanchuangcna guay ta ni damclou the.

“Tingpuk bangc khou naimei dui guay hei kabamv akhat khou guang kaduai kan di tho, kumna ramvkiang nai kan di tho” twna Ravguangc rui sa the. Hei tei kumna pat the. Kamei rui ramvkiang ta tei “Kandih” khatni guang kaduailoumei dui ta tei “Duipui” twna kaw the. Ravguangc rui hei tei gay the twna how the.

“Kingckiuc pat tho kumna duipui tipadik tho, nruay thauruay ni kandih ruc khou padik pat tho” twna Ravguangc rui suaihiamlou the.

“Kandih rui khouringh zaat guayna tipat kan di tho: kai khouringc khatni nwmbangc khouringc, khouringh daihmei ni nthyammei ni” twna Ravguangc rui sa the. Kumna hei tei pat the.

“Dui khou tei ringhmei ramhkui zaat mpeyna rui padik kan di tho, khatni kandih ruc khou nruay thauruay rui padik kan di tho,” twna Ravguangc rui sa the.

Ravguangc rui mi guay tei damclou the, kumna mi guay tei gay the twna how the.