Popularne wersety biblijne z Lk 12

Udostępnij

Tumi-i toxinch toiar ravat, kiteak chintinaslelea vellar Mon’xacho Put ietolo.”

Tumi zalear, Devachea Rajeacheam nemam pormannem manddlelea jivitacher tumcho iklo dovrat ani sogllem ier-ui To tumkam ditolo.

Magir Tannem tankam sanglem: “Chotrai dhôrat ani dhon-girestkaiechi axa sarkich soddun diat, kiteak konnank puskôll girestkai asli-i zalear, tanchem jivit ticher dhòrlelem na.”

Tuzo tthevo asa thõi tujem kalliz-ui astelem.

Ani huske kaddun tumchem auk êk hat-bhôr vaddounk tumchê bhitorlea konnak tank asa?

Uprant Tannem Apleam xisank mhonn’lem: “Dekhunuch Hanv tumkam sangtam: jiva khatir kitem jevchem-khaunchem, vô kuddi khatir kitem nheschem-pangurchem, tê vixim huskenakat.

Tumchê tokleche kens porian soglle mêzlele asat. Mhonntôch bhienakat. Xerkanchea bhirea poros tumi odik unch molachim.

Supurlea hindda, kosloch husko dhorum nakat, kiteak tumkam Raj diunchem mhonn tumchea Bapak khuxi zalea.

Kavlleancher barkaien nodor marat; te vompinant vô lunvinant, ani tanchê lagim kodde ani orôv dovorche zage nant; tori Dev tankam pôsta. Suknneam poros kitlim odik molachim nhoi tôr tumi?!

Mhonntôch kitem khaunchem, vô kitem pieunchem, hacho vichar korunk bosonakat, ani monant husko dhorun jienakat.

Tôr az xetant asa ani faleam kaddun ujeant uddoitat tem tonn hea jin’san Dev nhesoita zalear, tea-vôn kitlo odik tumkam To nettouncho na, holkea bhavartacheam mon’xamnô?

Atam dhamplolem asa titlem-i ugtem zalea xivai ravchem na.