Popularne wersety biblijne z Genese 13

Udostępnij

Ko te reira katoa ra oki enua taau e akara na, e orongaia ïa e au noou, e no toou na uanga, e tuatau ua atu.

E riro aturā Lota, kua tuatua mairā Iehova kia Aberama, Ka nānā ana i to mata ki runga i tena ngai taau e noo na, ka akara, i te pae i apatokerau, e te pae i apatonga, e te pae i te itinga o te rā ra, e te pae i te opunga o te rā

E ka akaaite oki au i toou na uanga mei te ungaunga-one o te enua nei; e kia ope te ungaunga-one o te enua nei i te tatauia e te tangata ra, ei reira katoa toou uanga e ope ei i te tatauia.

E kua tuatua mairā Aberama kia Lota, Teia taku tuatua kia koe, auraka roa to taua ei tauetonoanga, e ta toku nei au tangata tiaki puaka, e te au tangata tiaki puaka noou ra; okotai oki o taua kopu tangata.

Kua kiriti akerā Aberama i tona puakapa i reira, e aere atura, e noo atura ki te au ale i Mamera i vaitata ki Heberona ra; e kua akatu aia i tetai atarau na Iehova i reira.

E kua nānā akerā Lota i tona mata ki runga, e kitea atura i te ngai maniania katoa i Ioridana ra, e tae roa atura ki Zoara, (kare oki Sodoma e Gomora i mate ia Iehova i reira,) e e ngai meitaki i te vai e pini ua ake, mei te kainga o Iehova ra, e mei te enua ra mei Aiphiti.