Popularne wersety biblijne z San Juan 21

Udostępnij

Micuyta usharcurnam Jesús tapuran Simón Pedruta: “Juanpa wamran Simón, ¿paycuna cuyapäcamanganpitapis gam maschu cuyamanqui?” Pedro niran: “Au, tayta, gam musyanquim cuyangäta”. Jesús niran: “Nogaman yäracamagcuna üshanuypis caycagcunata cuyday”. Yapay tapuran Pedruta: “Juanpa wamran Simón, ¿cuyamanquichu?” Pedro niran: “Au, tayta, gam musyanquim cuyangäta”. Jesús niran: “Üshäcunata cuyday”. Quimsa cutina Jesús tapuran: “Juanpa wamran Simón, ¿cuyamanquichu?” Cuyanganta quimsa cutina tapuptin Pedro laquisha niran: “Gam lapantapis musyanquim, tayta. Gam musyanquim cuyangäta”. Jesús niran: “Üshäcunata cuyday.

Rasunpam gamta nï: Mösularag carga quiquilayqui röpayquita jaticurayqui maypapis munangayquipa aywanayquipag. Auquinna car ichanga maquiquita mashtaranqui y jucna röpayquita jatipäshunqui y mana munangayquipam apashunqui”.

Jesús niran: “Derëcha läduman redniquita mashtapäcuy y pescäduta charipäcunquim”. Ningannuy rurapäcuran. Chaypita redninta chutayta mana puedipäcuranchu achca pescäducuna captin.

Simón Pedro niran: “Pescacogmi aywaycä”. Paycuna nipäcuran: “Nogacunapis gamwan aywashag”. Chauraga aywapäcuran. Büquiman jegapäcuran. Ichanga chay chacay juctapis mana pescacäriranchu.