Popularne wersety biblijne z Luka 8

Udostępnij

Imbezu izyaponile pa musili uvunde, ayao yano ndi yuvwa mazwi yakwe Leza, yayapokelela nu mwenzo usuma uwakuyela. Caleka yaposya kufika lino yaseeka vizao.”

Imbezu izyaponile mu myunga, ayao akauvwa mazwi yakwe Leza. Lelo masakamiko ya wikazi wamu nsi ii, nu ukama, nga nu kuipakizya kwa umi uu, viza vitotola mazwi nga ni vizao vyakweyo visyaca.

Imbezu izyaponile pa lwala, antu yano akauvwa mazwi yakwe Leza, nu kuyapokelela nu luzango. Lelo mazwi yakwe Leza yasiingila nu kwika misisi mukasi ka myenzo yao. Caleka lino nsita yakweziwa yafika, yanenuka.

Alino auzya alondezi ati, “Uzye utailo winu uli kwi?” Lyene yazunguka, yuvwa intete. Alino yuzyanya yati, “Uzye umuntu wii aweni? Wino angakalipila cipupu na maimbi, navyo vimuyela!”

Imbezu izyaponile mu nzila, antu yano akauvwa mazwi yakwe Leza. Lelo Ciwa aiiza afumya mazwi yonsi mu myenzo yao, pakuti yatataila nu kutuulwa.

“Pano cino consi icafiswa cilasokololwa, na cino consi cankama cilaumbulwa paswe.

Lyene lino umwanaci walola ukuti atafisime, aiiza afukama pa ngazo zyakwe Yesu ala akuzakaza. Alino alondolola pa manso ya antu yonsi cino wali wamulemela na vino wali wapoziwa lilyo kwene. Yesu amunena ati, “Kaciwe! Utailo wako wakupozya. Pita ulumi.”

Nao yamuzyula, yati, “Kasambilizya, Kasambilizya! Tuli pipi nu kuundwa.” Yesu azyuka, alesya cipupu na maimbi, navyo vimyalala nga kuya cele.