Popularne wersety biblijne z Génesis 45

Udostępnij

“Erëi awɨye pepɨatɨtɨ jare awɨye piyembɨjeko kua re, echa’ä Tumpa ko chembou kua pe che rani pewi aepɨ waerä perekowe karuái wasu wi,” jei.

“Pe reta’ä ko kua pe chembou. Tumpa etei ko chembou kua pe,” jei. “Jare Tumpa ko cheñono amee waerä arakuaa mburuwicha wasu pe,” jei. “Jae umee chewe ayandareko waerä opaete mburuwicha wasu imbaembae reta re. Jare umee wi chewe mbaepuere opaete ɨwɨ Egipto re,” jei chupe reta.

“Jáeramo Tumpa chembou kua pe che rani pewi aepɨ waerä perekowe jare piñemoñaa reta awɨye waerä opa ukañɨ ɨwɨ wi,” jei.

Jáeramo José jei chupe reta: “Peya mii cheré,” jei. Jayawe jae reta oya katu jese. Jare José jei ye chupe reta: “Che ko jae perɨwɨ José. Karamboe pe reta chemee korepoti pe kua ɨwɨ Egipto pe yuweru yureko wae reta pe,” jei chupe reta.

“Mase, uasa ma oï mokui año rupi kua karuái wasu. Erëi uata wɨteño oï pandepo año ye mbaetɨta mbaewɨye,” jei.

Joko wi José jei tɨwɨ jare tɨkeɨ reta pe: “¡Che ko jae José! ¿Imeño pa iko yanderu?” upɨrandu chupe reta. Erëi omoë'ä pëti awe iñee tɨwɨ jare tɨkeɨ reta, echa’ä täta ukɨye reta uikuaa ma yawe jae ko José wae.