Popularne wersety biblijne z Lukas 14

Udostępnij

“Tug kws lug cuag Kuv, yog nwg tsi ntxub nwg nam nwg txiv, nwg quaspuj mivnyuas, nwg kwv nwg tij, nwg nkauj nwg muam, hab ntxub nwg tugkheej, mas nwg ua tsi tau Kuv le thwjtim.

Hab tug kws tsi kwv nwg tug ntoo khaublig hab nrug Kuv moog, tug ntawd ua tsi tau Kuv le thwjtim.

Ruaqhov txhua tug kws tsaa nwg lub fwjchim, yuav raug muab txu kuas qeg, hab tug kws txu nwg lub fwjchim, yuav raug muab tsaa kuas sab.”

Yexus xaus lug has tas, “Ib yaam nkaus le ntawd, tug kws tsi kaam tso txhua yaam kws nwg muaj tseg, tug ntawd yuav ua tsi tau Kuv le thwjtim.

“Yog mej ib tug twg npaaj yuav ua ib lub chaw tsomfaaj, nwg yeej xub lug nyob quastsawg ua tuabzoo xaav seb yuav siv nyaj npaum lecaag, hab seb nwg puas yuav muaj nyaj txaus ua kuas qhov ntawd tav. Yog nwg tsi xub ua le ntawd, tes txawm yog nwg tub ua tau lub quatsev taag lawm los nwg yuav ua lub chaw tsomfaaj ntawd tsi tav. Thaus tej tuabneeg pum le ntawd, puab yuav thuam nwg has tas, ‘Tug tuabneeg nuav pib ua lawm ntaag, tabsis nwg tsi muaj peevxwm ua kuas tav!’

Thaus koj npaaj ib rooj noj rooj haus, koj cale caw tej tuabneeg pluag, tej qhuavteg qhuavtaw, tej cegtawv, hab tej dligmuag tuaj noj; koj txhaj yuav tau txais koobmoov, ruaqhov puab cov ntawd yuav tsi muaj peevxwm pauj taug koj tej txajntsig. Tabsis thaus cov tuabneeg ncaajnceeg sawv huv qhovtuag rovqaab lug, Vaajtswv yuav pauj rov rua koj.”

“Ntsev yeej zoo, tabsis yog ntsev tsuag lawm, yuav ua lecaag txhaj rov dlaw tau? Cov ntsev ntawd txawm yuav muab tso rua huv aav hab muab xyaw chiv los yeej tsi zoo, kawg muab povtseg lawm xwb. Yog leejtwg muaj qhovntsej, cale noog!”