Popularne wersety biblijne z Chivkeeb 17

Udostępnij

Thaus Anplaas noobnyoog muaj cuaj caum cuaj xyoos, tug TSWV tau rov lug tshwm rua nwg pum hab has tas, “Kuv yog Vaajtswv tug kws muaj fwjchim luj kawg nkaus. Koj ca le noog kuv lug hab ua lub neej ncaaj nceeg moog kuas taag koj simneej.

Koj lub npe yuav tsi hu ua Anplaas ntxiv lawm, tabsis yuav hu ua Anplahaas, rua qhov kuv tsaa koj ua ntau tsaav tuabneeg tug yawmkoob.

“Kuv yuav ceev kuv tej lug cog tseg rua koj hab koj tej xeebntxwv moog lawm yaav tom ntej ib tam dlhau rua ib tam kws yog cov lug cog tseg moog ibtxhis tsi kawg le. Kuv yuav yog koj tug Vaajtswv hab koj tej xeebntxwv tug Vaajtswv.

“Tej lug kws kuv cog tseg rua koj muaj le nuav: Koj yuav tau ua ntau tsaav tuabneeg tug yawmkoob.

Ces Vaajtswv has tas, “Tsi yog le ntawd, Xalas kws yog koj tug quaspuj yuav yug ib tug tub rua koj hab koj yuavtsum tis nwg lub npe hu ua Ixaj. Kuv yuav ceev kuv tej lug cog tseg nrug nwg hab nwg cov xeebntxwv moog ibtxhis. Yog lu lug cog tseg kws nyob moog ibtxhis tsi kawg le.

Kuv yuav muab lub tebchaws kws taamsim nuav koj tseem ua tuabneeg poob tebchaws nyob nuav pub rua koj hab koj tej xeebntxwv. Taagnrho lub tebchaws Kana-aas nuav yuav yog koj tej xeebntxwv le moog ibtxhis, hab kuv yuav yog puab tug Vaajtswv.”

Anplahaas txawm txhus caug ndlua nyo hau ua ntsejmuag ti nkaus aav, tabsis tseem luag tuabywv huv sab thaus nwg xaav txug has tas, “Yuav ua le caag tug tuabneeg kws noobnyoog muaj ib puas xyoo lawm tseem muaj taug mivnyuas? Xalas tub muaj cuaj caum xyoo lawm, nwg tseem yuav xeeb taug tub hab los?”

Vaajtswv has rua Anplahaas tas, “Koj tsi xob hu koj tug quaspuj ua Xalais lawm, txij nub nua moog koj yuavtsum hu nwg lub npe ua Xalas lawm xwb.

Txij nub nua moog lawm yaav tom ntej koj yuavtsum muab txhua tug mivnyuas tub ua kevcai txav tawv thaus nwg noobnyoog muaj yim nub, tsi has tej tubqhe kws yug huv mej tsev hab tej tubqhe kws mej yuav ntawm lwm tsaav tuabneeg lug ua kevcai txav huv tuabsi. Txuj kevcai nuav yog lub cim tseemceeb ntawm lu lug cog tseg rua koj hab kuv.

Tabsis kuv yuav ceev kuv tej lug cog tseg nrug koj tug tub Ixaj, yog tug kws lwm xyoo rov txug lub caij nuav Xalas yuav yug rua koj.”

Txij nub nua moog lawm yaav tom ntej koj yuavtsum muab txhua tug mivnyuas tub ua kevcai txav tawv thaus nwg noobnyoog muaj yim nub, tsi has tej tubqhe kws yug huv mej tsev hab tej tubqhe kws mej yuav ntawm lwm tsaav tuabneeg lug ua kevcai txav huv tuabsi. Txuj kevcai nuav yog lub cim tseemceeb ntawm lu lug cog tseg rua koj hab kuv. Txhua tug yuavtsum tau ua kevcai txav tawv, hab txuj kevcai txav ntawm nqaj tawv nuav txhaj ua lub cim qha has tas, kuv cov lug cog tseg rua mej yeej nyob moog ibtxhis.