Popularne wersety biblijne z San Lucas 5

Udostępnij

Te nuu ni ndiꞌi ni kaxtnoꞌo ya nuu ñayiu, te jiñaꞌa ya nuu Simón: ―Skaka ni barco yaꞌa na kiꞌinkueio ndee nuu ñuꞌu kunu ka ndute yun, te vi skee ni ñunu jian, te vi tau ni chiaka ―jiñaꞌa ya suaꞌa.

Te jiñaꞌa Simón Pedro: ―Mastru, ja ni kuu in jakuaa ka oo san yaꞌa ka satniuu san, te tu ka niꞌi saꞌun san ti. Su jin tnoꞌo ja kaꞌan maa ni, te na kiꞌinkueio, te na vi skee tuku san ñunu yaꞌa ―jiñaꞌa de. Te nuu ni ka skee de ñunu yun, te ni ka niꞌi de kuaꞌa ndevaꞌa chiaka, te vi ndee ñunu yun ni jinkondee teꞌnde.

Te ni okujioo ya nuu tu na ñayiu oo ja ni ondakuatu ya.

Te suni saa kuu jin sein, chi masu vaji san ja ndakaꞌan san ñayiu ka ndakani ini ja ñayiu vaꞌa ka kuu, chi vaji san ja ndakaꞌan san ñayiu ka ndakuni ja ka oo yika kuechi, te vi ndatnaꞌu ini nuu yika kuechi ―jiñaꞌa ya.

Te nuu ni jini Simón Pedro ja siun ni kuu, te ni jinkuiin jiti de nuu Jesús, te jiñaꞌa de: ―Jitoꞌo san, kujioo ni, chi tee oo ndevaꞌa yika kuechi kuu san ―jiñaꞌa de.

Yun te jiñaꞌa Jesús: ―Ñayiu ka oo vaꞌa, chi tu ka jiniuꞌu tee tatna, chi maa ni ñayiu ka kuꞌu kuu ja ka jiniuꞌu.

Yun te ni ka ndeneꞌe jioo de barco yun yuꞌu ndute, te ni ka xndoo ndiꞌi de, te ni ka jata ndikin de Jesús, te kuaꞌankuei de jin ya.

In kiuu oo Jesús in ñuu, te ni jino in tee kuꞌu kueꞌe ndiꞌyi teꞌi, te ni jinkuiin jiti de nuu ya, te ni jikantaꞌu de: ―Jitoꞌo san, nuu ja kuini ni, te kuu ndasavii ña ni joo ja na nduvaꞌa san ―jiñaꞌa de. Yun te ni skaa Jesús ndaꞌa ya, te ni keꞌe ña ya, te jiñaꞌa ya: ―Kuini san, te nduvii ni ―jiñaꞌa ya. Te vi ore saa kuaꞌan kueꞌe yun.

Su vini saa, te ni jitenuu ja teku tnoꞌo ya ja ndasaꞌa ya ñayiu in kiuu in kiuu ka. Te ni ka kututu kuaꞌa ñayiu ja vi konini tnoꞌo kaxtnoꞌo ya vi ja ndasaꞌa ña ya nuu kueꞌe ja ka kuꞌi.