Popularne wersety biblijne z YUH 21

Udostępnij

Ii banni dabɔla, Isa ka a fɔ Simɔn Piyɛri yɛ ko: «Yuhana dencɛ Simɔn, n duman i yɛ ka tamin do ɲin bɛɛ la wa?» A ka a jabi: «Ɔɔn Maari, i ka a lɔn ko i duman n yɛ.» Isa ka a fɔ a yɛ ko: «I ye n na saa denninilu balo.» A ka a fɔ a yɛ fanan ko: «Yuhana dencɛ Simɔn, n duman i yɛ wa?» Piyɛri ka a jabi: «Ɔɔn Maari, i ka a lɔn ko i duman n yɛ.» Isa ka a fɔ a yɛ ko: «I ye kɛ n na saa kɔnɔgbɛnna le ri.» A ka a fɔ a yɛ a siɲa sawanan dɔ ko: «Yuhana dencɛ Simɔn, n duman i yɛ wa?» Piyɛri niiafinda, baa Isa ra a maɲininka fo siɲa sawa ko: «N duman i yɛ wa?» A ka a jabi: «Maari, i ka ko bɛɛ lɔn. I ka a lɔn ko i duman n yɛ.» Isa ka a fɔ a yɛ ko: «I ye n na saa denninilu balo.

N ye tuɲa le fɔla i yɛ ko: i tɛrɛ ye denninya rɔ waati mɛn dɔ i tɛrɛ ye i la kurusi yala sidila ka wa yɔrɔ rɔ, yɔrɔ mɛn ta duman i yɛ, kɔni i wa kɔrɔya tuma mɛn na, i ri i bolo rasɔmɔn, mɔɔ gbɛrɛ ri i sidi ka i lawa yɔrɔ rɔ, yɔrɔ mɛn i tɛ a fɛ ka wa.»

A ka a fɔ ii yɛ ko: «Ai ye jɔɔ lafili kulun bolokininma fan fɛ, ai ri jɛɛ mira.» Ii ka jɔɔ lafili wo rɔ, ii tɛrɛ ti se a masɔmɔnna jɛɛ siyaman bolo.

Simɔn Piyɛri ka a fɔ ii yɛ ko: «N watɔ jɛɛ faa diya.» Ii ka a fɔ a yɛ ko: «An fanan di wa i kɔfɛ.» Ii bɔra ka yɛlɛ kulun kɔndɔ. Su kelen wo rɔ, ii ma foyi mira.