Popularne wersety biblijne z YUH 15

Udostępnij

«N ye nɔnbɔju le ri, ai ye nɔnbɔbolon de. Mɛn wa sidini to n ma, a ni nde wa sidini to a ma, wo ri a den bakɛ la, baa ni nde tɛ, ai ti se foyi kɛla.

Ai ye sidini to n ma, ikomin n fanan ye sidini tola ai ma. Ikomin nɔnbɔbolon ti a den kɛla a jɛrɛ ma, ni a ti nɔnbɔju le la, wo ɲa kelen na aile fanan ti se ai denna ai jɛrɛ yɛ ni aile tɛ sidini to nde ma.

Kɔni ni aile ye sidini tola n ma, a ni n kumakan fanan ye sidini tola ai ma, ai ri fen fen maɲininka n tɔɔ rɔ, bɛɛ ri kɛ ai yɛ.

Aile ma n suwandi, kɔni nde ka ai suwandi. N da aile lɔ kelala ka wa a den, den mɛn di mɛn a la, kosa n Fa ri sɔn ai ma a wa foyi maɲininka n tɔɔ rɔ.

Mɔɔ mɛn ka a nii di ka sa a duɲɔɔ kosɔn kaninteya si ti tamin wo la.

Bolon bolon ye n na, ni wo ma den kɛ a la, a ri a tɛɛ. Bolon bolon wa den kɛ a la, a ri wo matɛɛ sa a ri den siyaman kɛ ka tamin fɔlɔman kan.

N na jamarili ye mɛn di: ai ye diya ai ɲɔɔn yɛ ikomin ai ye diyani n yɛ ɲa mɛn dɔ.

Ko mɛn ye N Fa gbiliyala, ai wa den siyaman ba kɛla ka wo yiraka wo rɔ ai ye n na karandenilu ri.

«N ye rɛsɛn nɔnbɔju ɲuma le ri, n Fa le sɛnɛla ri.

Ni mɔɔ mɔɔ ma sidini to n ma woilu tii ri fili kɔma ikomin nɔnbɔbolon wa a tɛɛla, woilu ri ja ɲa mɛn ma. Wo bolonilu ri matɔmɔ ka bila ta rɔ ka janni.

N tɛrɛ ra wo bɛɛ ɲafɔ, ko sɛwa mɛn ye n na, sa wo ɲɔɔn di kɛ ai la, ai la sɛwa ri kɛ sɛwa dafanin di.

Ni ai ka n na jamarili bonya, ai ye tola n na kaninteya rɔ, ikomin nde fanan ye n Fa la jamarili bonyala, n ye a la diyaɲɛ wo le rɔ.

N ye jamarili ɲinilu dila ai ma kosa ai ri i ɲɔɔn kanin.

Ni ai ni dunuɲa ye kelen de ri, ai ri diya dunuɲa yɛ, baa ai ye dunuɲa ta le ri. Kɔni, ka a masɔrɔn ai tɛ dunuɲa ta ri, a ni n ka ai suwandi dunuɲa tɛma, wo le rɔ ai gboyara dunuɲa yɛ.