Popularne wersety biblijne z KEW 5

Udostępnij

Piyɛri ni talibidenba tɔilu ka ii jabi: «An ka kan ka Alla kumakan gbiliya ka tamin mɔɔilu ta la.

Lon lon ii ma boloka mɔɔilu karanna Allabatobonba jin kɔndɔ a ni mɔɔilu wara, ka kibaro ɲuma lase woilu ma ko Isa le Mɔɔ Ɲenematɔmɔnin di.

A seni ye, Piyɛri ka a fɔ a yɛ ko: «Ananiyasi, nfenna i sɔnda Setana ye don i jusu rɔ, ka Alla la Nii Sɛniman janfa ka i la duu sankɔ fan kelen kansɔnya a ma? Duu wo tun ma san tuma mɛn na fɔlɔ, a tun tɛ i ta le ri wa? I ka a majira tuma mɛn na, a wodi bɛɛ tun tɛ i ta le ri fanan? Nfenna i ka i miri kojuu ɲin ma ka a kɛ? I ma wuya fɔ mɔɔilu yɛ fo Alla.» Ananiyasi ka kuma wo mɛn tuma mɛn na, a bera duu ma ka sa. Silan ba ka wo lamɛnbailu bɛɛ mira.

Wo le rɔ, n ye ai lalila sisen ko ai ye ai mabɔ mɔɔ ɲinilu la. Ai ye ii bila, sa ii ri wa. Ii ye mɛn kan, ni wo bɔni adamaden miriya rɔ, a ri tiɲan a jɛrɛ ma. Kɔni ni wo ko bɔra Alla jɛrɛ le rɔ, ai ti se ii la muumɛ. Ai tɛ foyi kɛ fo ka ai jɛrɛ bila Alla la ten fuu.» Nba, Kamaliyɛli ka mɛn fɔ, mɔɔbailu sɔnda wo ma.