Popularne wersety biblijne z Luka 19

Udostępnij

Auā ‘ua sau le Atali‘i o le Tagata e sā‘ili, ma fa‘aola, i lē na lē iloa.”

‘ua fai ane i latou, “ ‘Ia manuia le Tupu o lo‘o maliu mai i le suafa o le Ali‘i! O le manuia i le lagi, ma le vi‘iga i mea aupitoaluga.”

‘Ua fetalai atu Iesu ‘iā te ia, “ ‘Ua o‘o mai le fa‘aolataga i le ‘āiga nei i le asō; ‘ona ‘ua fai o ia ma atali‘i o Aperaamo.

‘Ua o‘o atu Iesu i ai, ‘ona tepa a‘e lea i luga ‘ua silafia ai e ia Sakaio. ‘Ona fetalai atu lea o Iesu ‘iā te ia, “Sakaio e, alu ifo ia i lalo, auā e tatau ‘ona ‘ou i ai i lou fale i le aso nei.” ‘Ona fa‘avave ifo ai lea o Sakaio i lalo, ma ‘ua tali mai ‘iā te ia ma le fiafia tele.

A ‘ua tu Sakaio i luga, ma fai mai i le Ali‘i, “Le Ali‘i e, o le a ‘ou avatu le ‘afa o a‘u mea uma i ē e matitiva. ‘Āfai fo‘i ‘ua ‘ou ‘avea ni mea a se isi i se auala lē sa‘o, ‘ou te taui atu i ai e ta‘ifā.”

‘Ona fai ane lea o isi faresaio ‘iā Iesu, “Le A‘oa‘o e, ia e fa‘atonu atu i ou so‘o ia fa‘alologo.” A ‘ua tali atu Iesu ‘iā te i latou, “ ‘Āfai e fa‘alologo i latou nei, ‘ou te fai atu, e ‘alalaga mai lava ma‘a.”