Popularne wersety biblijne z Luka 15

Udostępnij

‘Ona tula‘i lea o ia, ‘ua fo‘i atu i lona tamā. “ ‘Ua iloa mamao atu fo‘i o ia e lona tamā, ‘ona mutimutivale lea o lona alofa; ‘ua momo‘e atu, ‘ua fusi ‘iā te ia, ma sogi atu ‘iā te ia.

auā o lo‘u atali‘i lenei na oti, a o lenei ‘ua toe ola mai; na lē iloa fo‘i, a o lenei ‘ua toe maua.’ ‘Ona latou ‘a‘ai ai lea ma le ‘oli‘oli.

‘Ou te fai atu ‘iā te ‘outou, e fa‘apenā fo‘i ‘ona sili atu le ‘oli‘oli i le lagi, ‘ona o le tagata agasala e to‘atasi ‘ua salamō, i lo le to‘aivasefulu ma le iva o tagata amiotonu, latou te lē lagona le salamō.

O le a ‘ou tula‘i ma alu atu i lo‘u tamā, ma fai atu i ai, lo‘u tamā e, ‘ua ‘ou agasala i le Atua; ‘ua ‘ou agasala fo‘i ‘iā te oe.

A ‘ua fai mai le atali‘i ‘iā te ia, ‘Lo‘u tamā e, ‘ua ‘ou agasala i luma o le Atua ‘atoa ma ou luma, ‘ua lē tatau ‘ona toe ta‘ua a‘u o sou atali‘i.’

“ ‘Āfai e i ai se isi o ‘outou e selau ana mamoe, ma ‘ua lē iloa le tasi, o le ā le mea na te faia? Na te tu‘ua loa lava le ivasefulu ma le iva i le fanua, ‘ae alu e sā‘ili le mamoe ‘ua sē se‘ia maua.