Popularne wersety biblijne z Ioane 3

Udostępnij

Auā ‘ua alofa mai le Atua i le lalolagi, ‘ua ‘auina mai ai e ia lona Alo e to‘atasi, ‘ina ‘ia lē fano se tagata e fa‘atuatua ‘iā te ia, a ‘ia maua e ia le ola e fa‘avavau.

Auā e le‘i ‘auina mai e le Atua lona Alo i le lalolagi e fai ma fa‘asala, a ‘ia ‘avea ma Fa‘aola.

‘Ua tali atu Iesu, “O le ‘upu moni lava ‘ou te ta‘u atu ‘iā te oe, e lē mafai e se isi ‘ona va‘ai i le Mālō o le Atua vaganā ‘ua toe fānau.”

E lē fa‘asalaina so o se isi e talitonu i le Alo; a o lē e lē talitonu, ‘ua uma ‘ona fa‘asalaina o ia; auā e le‘i talitonu o ia i le suafa o le Alo e to‘atasi o le Atua.

O le mea moni e fa‘amasinoina ai tagata: ‘ona ‘ua o‘o mai le malamalama i le lalolagi, ‘ae sili ‘ona manana‘o tagata i le pouliuli i lo le malamalama, auā e leaga a latou amio.

E ao ‘ona tupu a‘e pea o ia, a o a‘u e tauau ‘ina alu ifo.”

So o se isi e faia mea leaga, e ‘ino‘ino i le malamalama, ma e lē sau fo‘i o ia i le malamalama; auā e lē mana‘o o ia ‘ina ‘ia fa‘aalia ana galuega leaga.

O lē e fa‘atuatua i le Alo, ‘ua ‘iā te ia le ola e fa‘avavau; a o lē e lē fa‘atuatua i le Alo, e lē mafai ‘ona maua e ia le ola; ‘ae peita‘i o lo‘o tumau i ona luga le to‘asā o le Atua.

E pei ‘ona si‘itia i luga e Mose o le gata ‘apamemea i le vao tu‘ufua, e fa‘apea fo‘i ‘ona tatau ‘ona si‘itia i luga o le Atali‘i o le Tagata

E alofa le Tamā i le Alo, ‘ua tu‘uina atu fo‘i mea uma i lana pule.