Popularne wersety biblijne z Ioane 12

Udostępnij

So o se isi e mana‘o e ‘au‘auna mai ‘iā te a‘u, e ao ‘ina mulimuli mai ‘iā te a‘u, ‘ina ‘ia i ai la‘u ‘au‘auna i le mea ‘ou te i ai. A ‘au‘auna mai fo‘i se isi ‘iā te a‘u, e vi‘ia o ia e lo‘u Tamā.

O lē e fa‘apelepele i lona lava ola e maumau, a o lē e ‘ino‘ino i lona ola i lenei lalolagi, e fa‘asaoina o ia e o‘o i le ola e fa‘avavau.

O le ‘upu moni lava ‘ou te ta‘u atu ‘iā te ‘outou, ‘āfai e lē pa‘ū le fua o le saito i le ‘ele‘ele ma pala ai, e tumau pea o le mea e tasi. ‘Āfai e pala, ‘ona fua mai ai lea o fua e tele.

O a‘u o le malamalama, ‘ua ‘ou sau i le lalolagi, ‘ina ‘ia lē nonofo pea i le pouliuli i latou o ē e talitonu ‘iā te a‘u.

O lē e fa‘alogo i la‘u ‘upu ‘ae lē talia e ia, ‘ou te lē fa‘amasinoina o ia; auā ‘ou te le‘i sau e fa‘amasino le lalolagi, a ‘ia fa‘aolaina le lalolagi.

‘Ona tago lea o Maria i le paina o suāu‘u taugatā na gaosia i le nato, ‘ua liligi i vae o Iesu, ma sōloi ai i ona lauulu. Na tumu fo‘i le fale i le manogi o le suāu‘u.

O lea sa ‘ave e i latou lālā o le la‘au ma ō atu e fa‘afeiloa‘i ‘iā te ia, ‘ua ‘alalaga fo‘i i latou: “Osana, ia manuia lē o afio mai i le suafa o le Ali‘i, o le Tupu o Isaraelu!”

‘Ua tali atu Iesu ‘iā te i lā‘ua, “ ‘Ua o‘o mai le itūlā e o‘o atu ai le Atali‘i o le Tagata i lona mamalu.