Popularne wersety biblijne z Jono 16

Udostępnij

Me phenav tumenge kadala dieli, eta t'avel tumen e patia ande tumende. Avena tumen bunto ande e lumia; numa len zor, me nirisardem la lumia.

Kana o Duxo le čačimasko avela, vo ningerela tumen ande sa o čačimos; ke vo či dela duma anda peste, numa vo phenela sa so vo ašundias, ai vo phenela tumenge le dieli kai avena.

Ži akana tume či manglian khanči ande muřo anav. Mangen, ai tume lena, eta ke te tumari veselia t'avel vorta.

Numa me phenav tumenge o čačimos: mai mišto avelas tumenge ke me žiavtar, ke te či žiavatar, kudo kai lel sama tumendar či avela karing tumende; numa, te žiavatar, me tradava les tumenge. Ai kana vo avela, vo sikavela la lumiake so si e bezex, e kris, ai o strafo ai sar le žene šibin pe.

Vi tume kadia, tume san akana ande o nekazo; numa dikhava tumen, ai tumaro ilo veselila pe, ai khonik či lela tumen anda tumari veselia. Ande kudo dies, tume či mai pušena ma pa khanči. Čačimasa, čačimasa, me phenav tumenge, so tume mangena katar o Dad, vo dela les tumenge ande muřo anav.

Čačimasa, čačimasa, me phenav tumenge, tume rovena ai tume vatina tume, ai e lumia veselila pe. Tume avena ande o nekazo, numa tumaro nekazo pařudiola ande veselia.