Popularne wersety biblijne z Jono 10

Udostępnij

O čor avel ferdi te čorel, te mudarel ai te phařavel; me avilem eta ke le bakroře t'avel le o traio, ai te bešen ande o but mištimos.

Me sim o lašio pastuřo. O lašio pastuřo del pesko traio pala peske bakroře.

Muře bakroře ašunen muřo hango; me prinžiarav le, ai von aven pala mande.

Me dav le o traio pe sakda; ai von či xasavona šoha, ai khonik či len len anda muřo vast.

Me sim o vudar. Te si varekon ke te den andre mandar, vo avela skipime; vo dela andre ai anklela avri, ai vo arakhela so te xal.

Me sim o lašio pastuřo. Me žianav muře bakrořen, ai von žianen man

Muřo Dad, kai dias le mange, si mai baro sar sa; ai khonik naštil te lel le anda o vast muře Dadesko. Me ai o Dad sam jekh.

sar o Dad žianel ma ai sar me žianav le Dades; ai me dav muřo traio pala muře bakre.

Khonik či lel les mandar, numa me dav les anda mande; si ma e putiaria te dav les, ai si ma e putiaria te lav les. Kadia si e ordina kai lem katar muřo Dad.

O Jesus mai phenel lenge: Čačimasa, čačimasa, me phenav tumenge, me sim o vudar le bakrořengo.

Numa kudo kai si pokjindo, kai nai vo pastuřo ai kaske nai le bakroře, dikhel ke avel o ruv, mukel le bakrořen, ai lel pe ai našel; ai o ruv lel len ai phařavel len.

Čačimasa, čačimasa, me phenav tumenge, kudo kai či del andre pa o vudar ande e stala le bakrengi, numa kai anklel pa e kaver rig, si jekh čor ai jekh řobaš.