Popularne wersety biblijne z Mateu 5

Udostępnij

Pontho nkhabe munthu anagasa nyale yace mbaigudumira na citundu. Mbwenye anasaka mbuto ya padzulu toera kumwanikira mwadidi anthu onsene n'kati mwa nyumba. Sawa-sawa ninga imwembo, citani kuti cieza canu cimwanikire anthu onsene, toera aone mabasa anu adidi anacita imwe. Na tenepo, iwo anapasa mbiri Baba wanu ali kudzulu.”

“Imwe ndimwe cieza ca padziko. Nzinda udamangwa pa phiri nkhabe kubisalika.

Mbatsandzaye anyakucena ntima, thangwi iwo anadza kaona Mulungu.

Mbatsandzaye ale ana njala na nyota ya kucita kufuna kwa Mulungu, thangwi anadza kapasiwa pyonsene na Mulungu.

Mbwenye Ine ndisakupangani kuti: Funani anyamalwa anu, phembererani ale anakuzondani.

“Mbatsandzaye ale anyakucherenga mu nzimu, thangwi Umambo wa kudzulu ndi wawo.

Mbatsandzaye ale anasaka ntendere pakati pa anthu, thangwi iwo anadza kacemerwa ana a Mulungu.

Mbatsandzaye ale analira, thangwi anadza kamatamizwa na Mulungu.

Mbatsandzaye ale anazondiwa na thangwi ya kucita kufuna kwa Mulungu, thangwi Umambo wa kudzulu ndi wawo.

Mbatsandzaye anabvera andzawo ntsisi, thangwi iwo anadza kabverwambo ntsisi na Mulungu.

“Tsandzayani mungatikanwa, mungazondiwa, na kulongerwa uthambi wa kusiyana-siyana na thangwi ya kukhala anyakupfundza anga. Komerwani mbamudzala na kutsandzaya, thangwi muwoni wanu unakudikhirani kudzulu ndi ukulu. Thangwi maporofeta akale azondiwambo sawa-sawa ninga imwe.”

Mbatsandzaye ale anyakupicepesa, thangwi anadza kapasiwa unthaka wa dziko ya pantsi na Mulungu.

“Imwe ndimwe munyu wa padziko. Lang'anani, munyu ungasuluka, unadza kadzipa tani pontho? Na tenepo, unamalisira taiwa, thangwi nkhabe cinango cakucita na iwo, mbumalisira kupwandiwa na anthu.

Na tenepo, imwe khalani akukwana, ninga Baba wanu wa kudzulu ndi wakukwana.”

Mbwenye mphyadidi kulonga tenepa: ‘Ande’, ‘ande’. ‘Nkhabe’, ‘nkhabe’. Pyonsene pinango kupiringana penepi, mphya Nyamalwa.”

“Mwabva pidalongwa kuti: ‘Diso na diso, dzino na dzino.’ Mbwenye Ine ndisakupangani kuti: lekani kubwerezera uipi kuli ale anakucitani uipi. Munthu angakumenya ku phutu ya khundu ya madyo, mpase akumenyembo khundu inango.

Mphapo, ngakhala diso yako ya khundu ya madyo iri kukugwisa mwa kudawa, ibuluse mbuitaya kutali na iwe. Thangwi mphyadidi kuluza phindi ibodzi ya manungo ako, mbukhonda kuponyiwa manungo onsene mu infernu. Sawa-sawa, ngakhala manja ako a khundu ya madyo asakugwisa mwa kudawa, agwande mbuataya kutali na iwe. Thangwi mphyadidi kuluza phindi ibodzi ya manungo ako, mbukhonda kuponyiwa manungo onsene mu infernu.”