Popularne wersety biblijne z Mat 24

Udostępnij

Lomba pakuti macimo azeapakile–pakile cinthemwa cizecicepele–cepele pakati pa ŵanthu. Koma wala ŵatiazetangʼilile kufwikila ku nsilililo, niye ŵatiazepulumushiwe.

Nipo aŵa Malizu Aweme olaŵila va Ufumu wa Mulungu azeaŵilizyiwe pa calo conse ca pansi, ngani umboni ku mitundu yonse, nipo nsilililo izeifwike.”

Muzamvwe va nkhondo keno mbili ya nkhondo. Niye kuti mwewo osati muzecite wowa. Ivi vuwamila kucitika, koma niye kutilini kusilizya kwala kwafwika kale, yayi.

Pakuti mtundu uzewukilane na mtundu uyakine, na ufumu uzewukilane na ufumu uyakine. Kukaŵe njala na vivomezi vitwa vonse. Vonse ivi vizaŵe ngani kuŵaŵa kotatika powona mwana.

Kululu na calo ca pansi vikasile, koma malizu ŵangu akasilelini mphamvu.”

Cikomo ŵanthu anyinji akawele mu zina yangu nakuzolaŵila kuti, ‘Mpulumushi Wolayizyiwa wala ni newo,’ nipo azeapumvyishe ŵanthu anyinji.

“Pa vuli pake ŵanthu azeakutwaleni kuti mukanzunzike, nompayani. Ŵanthu ŵa mitundu yonse azeatinkhane namwe cikomo ca newo. Pa nsita iyo, anyinji azeataye cicetekelo cawo, akotwalana notinkhana. Kuzekuwoneke aneneli ŵa wenye anyinji, ŵatiakopumvyishe ŵanthu anyinji.

Yesu eŵayasuka kuti, “Ŵani celu kuti aliyense osati akupumvyeni.

Tetyo, namwe ŵani wokonzeka, pakuti Mwana wa Munthu akawele pa nsita yatimukomulindilalini.”

“Tetyo, namwe mwakuŵa celu, pakuti muziŵalini nsiku Asikulu ŵanu patiakawele.

“Koma nsiku yake keno nsita yake, paliye oyiziŵa – cukanga angelo ŵa Kululu, keno Mwana, koma Atata ŵeka mphela.

Pakuti akristu ŵa wenye na aneneli ŵa wenye akawele nakuzocita viziŵikilo vikulu na vokanganisha, nakuzopumvya cukanga na wosaluliwa ŵa Mulungu.

Kuwela kwa Mwana wa Munthu kuzaŵe ngani nsita ya Nowa. Ngani nsita yala cigumula pecenzecikaliyofwika, ŵanthu enzokulya na kumwa, enzolungula nolunguliwa, mpaka nsiku yeciloŵa mu wato Nowa. Aliyozindikile kanthu mpaka cigumula ciwela noŵaceneka wonse. Vizaŵe tetyo soti Mwana wa Munthu akayowela.